TUNGUNUKA
DILONGIESHA 9
Etuule pa mbalo ya bantu
Eyi dia kulonda: “Sankayi na baaba abasanka; nudile na baaba abadidi.”—Lom. 12:15.
Kibaadi Yesu mukite
1. Tala VIDEO, sunga kubadika Maako 6:30-34. Akupu waluule ino nkonko:
Buakinyi Yesu na Batumibua abaadi abakumiina kuenda “mbalo ya bupenka”?
Nkinyi kibaadi kitakule Yesu bua kulongiesha kibumbu?
Nkinyi ki’atulongiela kui Yesu?
2. Kuituula pa mbalo ya bantu akuitutakula bua kuibapasukila kushi penda bua mukandu wetu.
Ambula Yesu
3. Teemesha kalolo. Tadiila muntu akule bi’epusha, tomutshibikishanga, sunga kubepuula bi’epusha na nkalakashi yadi nayo. Nsaa yomuteemesha kalolo, omulesha shi okuete kumupasukila.
4. Nangushena pabitale muntu muleshe lukalo. P’onangushena ku bianuisambaa naye, eyipushe’shi:
‘Buakinyi akumiina kupusha bia binyibinyi?’
‘Kulonga kua Bible nkulombene kulumbuula nshalelo aaye binobino na mu mafuku aafiki naminyi?’
5. Akula mianda ayimukuasha. Nka ku mbangilo, muleshe bilombene kulonga kua Bible kumukuasha bua kualuula ku nkonko yaaye na kumukuasha mu mishindo ilekenelekene.