MYALUULO KU NKONKO YA MU BIBLE

Muntu mmulombeene kupusha akyamba Bible su?

Bible nyi Eyi dy’Efile Mukulu. E nka bu mukanda aufiki kwi nshe bana sha kifulo. (2 Timotee 3:16) Mu Bible, Efile Mukulu etulesha mushindo watudi balombeene kumusankisha, bwakinyi mutadiile bubi, na kyakyebe kukitshiina bantu mu mafuku e kumpala. Kadi balongyeshi ba mu bipwilo mbaluule malongyesha a Bible; nyi bwakinyi bantu bebungi tabamonaa shi mbalombeene kupusha kalolo akilongyesha Bible nya.​—Bikitshino 20:29, 30.

Yehowa Efile Mukulu akumina shi tuukye bya binyibinyi pabitale aye nabeene. Nyi bwakinyi, mmwitupe mukanda watudi balombeene kupusha kalolo.​—Badika 1 Timotee 2:3, 4.

Mushindo kinyi oodi mulombeene kupusha akyamba Bible?

Kukaasha kwitupa kwa Bible, Yehowa etukwasha bwa kupusha Eyi dyaaye kalolo. Baadi mutume Yesu bwa kwitulongyesha. (Luuka 4:16-21) Yesu baadi mukwashe bantu abaadi abamuteemesha bwa kupusha Bifundwe kalolo, mwanda baadi ateemuna maverse a Bifundwe.​—Badika Luuka 24:27, 32, 45.

Yesu baadi mukite kakongye ka beena Kidishitu bwa kutungunuka na mudimo ubaadi mubangye. (Mateo 28:19, 20) Lelo uno, balongi ba binyibinyi ba Yesu bakwete kukwasha bantu bwa kupusha kalolo akilongyesha Bible pabitale Efile Mukulu. Su okumina kupusha akilongyesha Bible, Batemwe ba Yehowa abekala na muloo wa nkukwasha.​—Badika Bikitshino 8:30, 31.