MIISAMBO YA MBANGILO | BATEMWE BA YEHOWA MBANTU KINYI?
Bwakinyi atulungulaa mukandu wibuwa?
Pangi takwi kintu kitwikashe belekeene na bangi bantu bu mudimo weetu wa kulungula mukandu wibuwa—ku nshibo na nshibo, mu ma mbalo e bantu bebungi, na mu miseese amukidilaa bantu bebungi. Bwakinyi atukitaa uno mufubo?
Batemwe ba Yehowa abalungulaa mukandu wibuwa bwa kutumbisha Efile Mukulu na kuukisha bantu eshina dyaaye. (Beena-Ebreeyi 13:15) Na dingi atwiukitaa bwa kukookyela dino eyi dya Kidishitu Yesu: “Byabya ndayi: mu miilo yooso, nwibeekashe bu balondji bande, . . . nwibalambukishe bya kulama byooso binaadi mwinufundjile.”—Mateo 28:19, 20.
Kukatusha byabya, twi na kifulo na bantu neetu. (Mateo 22:39) Anka, bantu bebungi be na ndangwilo yaabo na nta booso abakumiinaa mukandu weetu nya. Kadi, tukwete kumona’shi malongyesha a mu Bible akwete kupaasha myuwa ya bantu. Nyi bwakinyi nka bu beena Kidishitu ba mu bipwa lukama “babaadi’nka abalambukisha na kuukisha mukandu wibuuwa wa [Kidishitu],” atuyididiila na kulungula.—Bikitshino 5:41, 42.
Antonio Cova Maduro mulongye myanda ya bifuko (Sociologie) bafundile’shi: “Batemwe ba Yehowa bakwete kwitatshisha na kufumankana na nkalakasho, abakitshi bukopo bwabo booso . . . , bwa’shi bifundwe biselele bipalakane mu nsenga ishima.”—Jurnale a, Venezuela El Universal
Bantu bebungi ababadikaa mikanda yeetu ta Mbatemwe ba Yehowa nya. Na bantu midiyo batulongaa nabo Bible be mu bingi bipwilo. Kadi be na muloo wa kumona Batemwe ba Yehowa abebatembela.
Byabya, we kwikala na ingi nkonko pabitale Batemwe ba Yehowa. Atukutekye bwa’shi okimbe myaluulo p’oobe
Kwipusha umune a ku Batemwe ba Yehowa.
Kutwela mu site eetu a www.jw.org.
Na p’oobe kutwela mu bisangilo byeetu, abikitshikaa buntu na kiibi nkishitule bwa bantu booso.