Otentekyesha su?

We kwaluula ino nkonko i mu Bitenta bya Mulami bya mu 2019 su?

Mulayilo w’Efile Mukulu awamba’shi: “Kilonda kyooso kifushiibwe bwa kulwa noobe ngoshi taakikitshi kintu’kyo,” aulesha kinyi? (Yesh. 54:17)

Abitungu twikale bashinkamishe’shi Yehowa etukalwila ku makome ebubi a “baa-sha kifita.” (Yesh. 25:4, 5) Beshikwanyi netu tabe na ngobesha ya kwitukyengyesha bwa loso nya.​—w19.01, esk. 6-7.

Kipaso kibaadi Yehowa mukitshine bena Kanana na bena Isaleele ba ntomboshi myanda akilesha kululama kwaye naminyi?

Efile Mukulu baadi mutwadile bantu abaadi bepane mu kukita myanda i butete na kukyengyesha bakashi na bana kiimu. Baadi mwelele bantu abaadi abamukokyela na abaadi abakitshina bangi myanda na kululama myabi.​—w19.02, esk. 22-23.

Twi kukita kinyi su twekala panka nsaa yabele luteko kwi muntu shii Temwe?

Yaya nsaa, abitungu tushaale baumiine na kanemo. Tatwi balombene kwamba “aamene” sunga kwikwatena na bangi ku maasa nsaa yabele lwalwa luteko nya. Twi kukita lwetu luteko mundamunda.​—w19.03, esk. 31.

Bwakinyi kulwisha mwana mu kinga na myanda ibutete mulwisho ukata?

Muntu alwisha mwana na myanda ibutete alwishisha yawa mwana, kakongye, mbulamatadi, n’Efile Mukulu. Bakulu abanemekaa mwiya w’eumbo pabitalekuukisha mbulamatadi kilumbu kya muntu mulwishe mwana mbalo yabanemeka yaya miya.​—w19.05, esk. 9-10.

We kukita kinyi bwa kushintuula mpàngo ya mu binangu byobe?

Myanda ina muulo ya kukita: Kuteka Yehowa. Nangushena na kepatshila ka kwitaluula obe nabene. Sangula ba kuuku bobe na kinangu.​—w19.06, esk. 11.

Nkinyi akitungu shi tukite kubanga binobino bwa kukambila kubingwabingwa?

Twi na lukalo lwa kunyingisha kipwano kyetu na Yehowa. Ikala mushinkamishe shi Yehowa mmukufule na takakusumbushena. Badika Bible efuku dyoso na Teka nsaa yoso. Ikala mushinkamishe shi myabi ya mu Bufumu bwa Yehowa ayikalombana. Lamiina ma verse odi mufule. Lamiina na kuyimba ngono ayitumbisha Yehowa.​—w19.07, esk. 2-4.

Nkinyi akitungu’shi tukite bwa’shi bena kifuko kyetu bakapashibwe?

Bi na muulo kwituula pa mbalo yabo, kwikala na mwikyelo wi buwa, lwishinko, na mayele.​—w19.08, esk. 15-17.

Mushindo kinyi watudya kupetesha bantu kikiisho bu bibaadi bilee Yesu mu Mateo 11:28?

Twi na bakunkushi bebuwa, twi na ba kuuku bebuwa, twi na mudimo wibuwa.​—w19.09, esk. 23.

Mushindo kinyi ulombene Efile Mukulu nkupa lukalo na bukome bwa kukita? (Fid. 2:13)

Patubadika Eyi dy’Efile Mukulu na kwidinangushena, Efile Mukulu Etupa lukalo lwa kukita kikyebe ky’Eshimba dyaye na bukome bwa kufuba. Kikudi kyaye kikunyisha kwitwikasha na ngobesha.​—w19.10, esk. 21.

Nkinyi kilombene kwitukwasha bwa kwata kitshibilo kibuwa?

Myanda itano ya kukita ngino: Teka bwa’shi opete binangu, kimbuula kalolo, uuka bwakinyi wata kitshibilo, ikala na bipatashila, ikala na binangu bibuwa.​—w19.11, esk. 27-29.

Binangu bya’shi anyima tafwiyaa mbipushene na bibadi Satana mulungule Eeva su?

Pangi ta mbyabya nya. Satana tabaadi mulungule Eeva’shi su adya kikuba kya mutshi wabadi bakandikye kwi Efile Mukulu, akitshi penda bu afu. Takwi dilongyesha sunga ndimune dibaadi dipande ku Mpeshi a kabutu. Abimweka’shi dilongyesha dya anyima shafwiya nditukye kumpala kwa’shi Efile Mukulu apalakashe bantu babadi abebaka musungo wa Babele.​—w19.12, p. 15.