Bya binyibinyi pabitale mafuku aafiki
Kasha toboyipwishe’shi myanda kinyi yatukapete mu mafuku aafiki? Bible amba’shi kwi myanda ikata ayikakitshika mu mafuku aafiki itale bantu booso be pa nsenga.
Yesu baadi muleshe mushindo ‘watukauku’shi, Bufumu bw’Efile Mukulu bwi peepi.’ (Luka 21:31) Baadi mutemukye’shi, mu yaya myanda mwi, ngoshi, kutshinkatshinka kwa nsenga, bipupa bya nsala, na bipupa bya maladi—myanda yatukwete kumona lelo uno.—Luka 21:10-17.
Bible baadi muleshe dingi’shi “mafuku a nfudiilo” a bukunkushi bwa bana ba bantu, atukeatundwila ku mwikelo wi bubi wa bantu. We kubadika yaya myanda mu mukanda wa 2 Timotee 3:1-5. Pomono uno mwikelo na bino bikitshino lelo uno, kushi mpaka okumiina’shi myanda ya mu buno butemuki bwa mu Bible nyi ikwete kukitshika binobino.
Bino abilesha kinyi? Nsaa tayidi peepi bwa’shi Bufumu bw’Efile Mukulu bushintuule myanda bwa kutuula nshalelo ebuwa pa nsenga. (Luka 21:36) Mu Bible, Efile Mukulu mmulee kukitshina bantu abakashala pa nsenga myanda ibuwa. Tala ndambo ya ku yaya myanda.
BUKUNKUSHI BWI BUWA
“Babaamupele [Yesu] bufumu, ntumbo na kineemo; bantu ba miilo yooso, bisamba na ndjimi babaamufubilanga. Bufumu bwaye mbufumu bwa looso bush’abukidi, na bulopwe bwaye, mbulopwe bush’abutuutwa efuku su ndimune.”—NDANYELE 7:14.
Kyabilesha: We kwikala na muwa mu mbulamatadi mukata a pa nsenga ishima a Efile Mukulu aadi mutuule Mwan’aaye bu Nfumu.
MBIDI BUKOME
“Mwimushaale sunga umune tamba dimo’shi; ‘Nee na mukumbo.’”—YEESHAYA 33:24.
Kyabilesha: Tokakumbu sunga kulemana; wekala na muwa bwa loso kushi kufwa.
KUFUKAMA KWA LOOSO
“Ayimika ngoshi nyaa na kufudiile nsenga.”—MISAMBO 46:10.
Kyabilesha: Takukekala dingi ngoshi na myanda yoso ibubi yayifwisha.
NSENGA AYIKAWULU NA BANTU BE BUWA
“Takwikala mubi dimo . . . beeyishe naamu, abapyaana nsenga.”—MISAMBO 37:10, 11.
Kyabilesha: Bantu babi tabakekala kwaka dimo, nka penda bantu abakumiina kukokyela Efile Mukulu.
NSENGA ISHIMA AYIKEKALA MPALADIISO
“Abeebaka mashibo, bemushaale; abakunu mvinyo na abadi bikuba byaayo.”—YEESHAYA 65:21, 22.
Kyabilesha: Nsenga ishima ayikekala ibuwa. Efile Mukulu akaluula luteko lwetu lwa’shi kyakyebe kikitshikye “pa nsenga.”—Mateo 6:10.