Mushindo wa kubanga mwisambo (Su jurnale a Kisonge te kwanka, nwate a Fwalanse)
Bwa kubanga kulonga Bible na muntu dya Mposo dya kumpala mu mweshi wa Musambo
“Lelo uno, bantu booso be na lukalo lwa kwikala na muwa bipwa bibungi, na muloo mu nshalelo aabo. Byabya twi na lukalo lwa kuuka byopwandjisha pabitale luno lukonko: Opwandjikisha shi dingi efuku siyanse na binangu bya ba munganga mbilombeene kwitupa muwa wa looso? [Mutadiile aluule.] Tala byabalesha pano.” Muleshe pa kipusu kya Kitenta kya Mulami kya 1/7, na taluula naye myanda i mushi mwa ka lukonko ka kumpala na kunyima nubadikye verse umune a ku yabadi batemune mwanka. Mupe jurnale na wepushene naye bwa kwalukiila mu kumutala bwashi nutaluule lungi lukonko alulondo.
Kya kuuka: Abitungu kukita kileshesho pabitale uno mushindo wa kulesha uno jurnale mu kisangilo kyanukitshi bwa kwenda mu bulungudi mu 6/7/2013.
Kitenta kya Mulami 1/7
“Bantu booso batukwete kwisamba nabo be na byabo bipwilo. Kadi bangi namu abamba shi tabakii dingi bakulupile mwi bipwilo nya. Obe namu opushaa naminyi pabitale bipwilo? [Mutadiile aluule.] Yesu baadi mwituleshe mwanda ukumbeene kwitukwasha bwa kumona su kipwilo kampanda ki buwa. [Badika Luuka 6:44a.] Uno jurnale alesha bimo bikuba bi bubi byabadi batuushe kwi bipwilo. Alula dingi ku luno lukonko: Kwi kipwilo kampanda kyatudi balombeene kukulupila su?”
Réveillez-vous ! Mweshi wa 7
“Tukwete kwenda na kutala bantu booso bwa kwisamba pabitale mwanda ukwete kwinyongosha bantu ngofu—kukutwa kwa kululama. Bangi bantu bakwete kukita marche bwa kupudisha myanda ya kukutwa kwa kululama. Opwandjikisha shi bano bantu abakitshi marche mbalombeene koobesha kupudisha uno mwanda su? [Mutadiile aluule.] Tala akyakula Bible shi nyi kilombeene kushintuula myanda pa nsenga. [Badika Mateo 6:9, 10.] Uno jurnale akyebe kwalula luno lukonko: Kukita marche nkulombeene kushintuula myanda su?”
Mukandu wibuwa w’Efile Mukulu!
“Tukwete kwenda na kutala bifuko byooso muno mu musese wenu bwa kwisamba mwanda wa mu Bible ukumbeene kwibanyingisha. Bantu bebungi babatwisamba nabo bakwete kwiyipusha bwakinyi Efile Mukulu sha kifulo mmutadiile makyenga pa nsenga. Opwandjikisha shi makyenga abaadi mu mpàngo y’Efile Mukulu bwa nsenga su?” Mutadiile aluule. Akupu, obuule Mwisambo wa 5, nubadikye na nutaluule paragrafe ibidi ya kumpala na maverse abadi bafunde mu maleta alale. Mupe broshire, na wepushene naye bwashi walukiile bwa kutaluula lukonko alulondo lwi mu maleta akata afita.