We kwitanyisha bangi balungudi su?

Mu tukongye twibungi mwi balungudi bashy’abalungula mukandu wibuwa ngofu mwanda wa mikumbo sunga bununu. (2 Kod. 4:16) We mulombeene kwitanyisha umune a kwabadi bwashi akushindikye pokalongo na bantu Bible? Su mulungudi e byabya te na mushindo wa kutambuka, pangi we kwenda na muntu kwaye ku nshibo bwashi nukalongyele kwakwa. Ingi nsaa we mulombeene kwilumbuula bwa kwata mulungudi kampanda e na mbidi ishi ikambe bukome bwa kwenda naaye kapeela ku nshibo na nshibo sunga kwalukiila mu kutala muntu kampanda pepi na kwaye? Balungudi batabadi banunu abauku mudimo wa bulungudi kalolo. Byabya, su wetatshisha bwa kwenda nabo, tanka penda abo bonyingisha ku mashimba. Abikyebe nkukwasha n’obe namu. (Lom. 1:12) Na dingi, su wetatshisha bwa kulesha kifulo mu uno mushindo, Yehowa akyebe nkupa bwedi.—Mye. 19:17; 1 Yo. 3:17, 18.