Ebakwashe bwa ‘kunyinga mu lukumiino’

Nyi mmwanda wa muloo ukata wa kumona mushindo wi Yehowa kwete kwelela bano bantu bakile pa 250000 bakwete kubatshishibwa kipwa kyooso mwabi ukata. (Miy. 28:2) Su mulungudi kwete kukwasha mulongi a Bible bwashi akabatshishibwe, mmulombeene kwikala na binangu bya kuleka kutungunuka naaye na kwipana ngofu mu kukwasha bangi. Mulongi a Bible namu mmulombeene kwimika kulonga bwa kupeta nsaa ibungi yakukita mufubo waye. Sunga mbyabya, bii na muulo bwashi balongi ba Bible bekale na kitako kibuwa mu bya binyibinyi. Be na lukalo lwa ‘kumena mishi’ mwi Kidishitu na ‘kunyinga mu lukumiino.’ (Kol. 2:6, 7; 2 Tim. 3:12) Byabya, kunyima kwa kubatshishibwa, mulongi mulombeene kutungunuka na kulonga Bible bwashi apudishe mikanda yooso ibidi wa Akilongyesha Bible na wa “Kifulo ky’Efile Mukulu.”—Tala Mudimo wetu wa Bufumu wa mu mweshi wa Kananka 2011, esaki 2.