We mulombeene kulesha lutumbu pa kukii nsaa su?
Kitentekyesho akifiki akitukwasha bwa kuleesha lutumbu
1. Mafuku a Kitentekyesho aetupa mushindo kinyi umune wa kuleesha lutumbu?
1 Kitentekyesho akikyebe kukitshika mu 14/4 akitupa mushindo wa kukimba na kuleesha lutumbu pabitale kalolo ka Yehowa. Mwanda wi mu Luuka 17:11-18 aulesha mushindo wi Yehowa na Yesu abamonaa lutumbu. Mwanda wa kukanya, nkapenda muntu umune a ku bantu ekumi abaadi bapande ku maladi a nsudi ndjo baadi mwalukiile bwa kulesha lutumbu. Mu mafuku aafiki kya buntu kya nkuulo akikyebe kwitukwasha pabitale kufudiisha kwa maladi ooso, kwikasha muuwa wa looso bu mwanda wa binyibinyi! Kushii mpaka, atwikala atutumbula Yehowa efuku dyooso bwa yaaya myabi. Byabya mushindo kinyi watudi balombeene kuleesha lutumbu mu mbingo ayifiki?
2. Mushindo kinyi watudi balombeene kutamisha lutumbu lwetu bwa nkuulo?
2 Ikala na lutumbu: Lutumbu alukatukilaa mu binangu byetu. Bwa kwitukwasha bwashi tutamishe muloo wetu pabitale nkuulo, kwi programe a kubadika Bible pabitale Kitentekyesho atudi balombeene kupeta mu ma mbalo ebungi, bu mu Bible mupya a Traduction du monde nouveau mu Anglais mu Apandise B12, Calendrier, na mu Examinons les Écritures chaque jour. Bwakinyi tanwibalombeene kulonda uno programe mu kifuko? Kukita kwa byabya akukyebe kutamisha muloo wetu bwa nkuulo. Bino mbilombeene kulumbuula mwikeelo wetu.—2 Kod. 5:14, 15; 1 Yo. 4:11.
3. Mu mishindo kinyi mwatudi balombeene kuleesha lutumbu mu mafuku a Kitentekyesho?
3 Leesha lutumbu: Lutumbu alumwekyelaa ku bikitshino. (Kol. 3:15) Yawa muntu baadi na maladi a nsudi baadi mukite bukopo bwa nkamona Yesu na kumutumbula. Kushii kwelesha mpaka, baadi mulungule bangi na muloo ooso pabitale kupashibwa kwaye kwa mu kipaso. (Luk. 6:45) Lutumbu lwetu bwa nkuulo alwitutakula mu kukita kampanye ka Kitentekyesho na katshintshi kooso su? Kukita mudimo wa bu mbala-mashinda mukwashi sunga kutamisha mudimo wetu wa bulungudi mu mafuku a Kitentekyesho nyi ungi mushindo wi buwa wa kulesha lutumbu. Kyolwa kya Kitentekyesho, muloo wetu awitutakula bwatudya kukuukila bantu beenyi na kwipaana bwa kwalula ku nkonko yabo.
4. Mushindo kinyi watudi balombeene kwikasha kino Kitentekyesho bu kipungo kya muloo?
4 Kino akikekala Kitentekyesho kyetu kya nfudiilo su? (1 Kod. 11:26) T’atuuku nya. Anka atuuku shi su kibakidi, mushindo umune wa kulesha lutumbu ubakidi. Okyebe kulesha lwalwa lutumbu su? Mayi a lutumbu a mukanwa mwetu na kunangushena kwetu kutumbishe Yehowa, aye Nsulo ya nkuulo.—Mis. 19:14.