Mushindo wa kubanga mwisambo (Su jurnale a Kisonge te kwanka, nwate a Fwalanse)

Bwa kubanga kulonga Bible na muntu mu dya Mposo dya kumpala mu mweshi wa Kitema

“Bantu bebungi abakumiina mwi ba mikeyilu. N’oobe namu? [Mutadiile aluule.] Bu byayidi mbipangwa bya mu kikudi, mikeyilu i bukome bukile, kadi auku shi ngilombeene nkukwasha? Bible etulungula mushindo wayikwete kukwasha bantu lelo uno.” Muleeshe kunyima kwa Kitenta kya Mulami kya 1/9, na nutaluule pamune myanda i muushi mwa lukonko lwa kumpala na kubadika verse umune a ku aa abadi baleeshe paapa. Mupe ma jurnale, na wepusheene naye bwa kwalukila mu kumutala bwashi nutaluule lukonko alulondo.

Kitenta kya Mulami 1/9

“Okwete kumona mushindo wabakwete kulwisha nsenga kwi bantu pamuntwe wa kwiyilumbuula? [Mutadiile aluule.] Sunga mbyabidi shi muntu ta mulombeene kulumbuula byooso byabadi bapwe kulwisha, Bible etulungula shi Efile Mukulu mmulombeene na e na lukalo lwa kwibikita. Twi na luno lukulupilo lwi mu Misambo 65:10, EEM. [Badika.] Uno jurnale a Kitenta kya Mulami aleesha mushindo wi Efile Mukulu akyebe nkalumbuula nsenga na mushindo watukyebe nkasangeela yaaya myabi ayifiki. Ne mulombeene nkulekyela anka bwa kubadika?”

Réveillez-vous ! Mweshi wa Kitema

“Bantu bebungi abepusha bu be na midimo ikile bungi ibape bakata baabo na ta be na mushindo wa kwiyipudisha bwa kwikisha. Basha-binangu abamba shi midimo ikile bungi ngilombeene kufisha muntu mu kufudila sunga kukoka bikilekile, na bino mbilombene kumukumbisha. Omono naminyi, nkinyi kilombeene kukwasha muntu bwa kushaala mulame nshaleelo mulombane? [Mutadiile aluule.] Banda kutala bino binangu byabaleesha mu uno verse a mu Bible. [Badika Mulungudi 4:6.] Uno jurnale apatuula mishindo inanka yatudi balombeene kutaluula myanda i na muulo na kupudisha midimo ikukile bungi.”