Twinyingisheeneyi na kinsukunsuku mu kifulo na mu mifubo i buuwa

Mukanda wa Beena-Ebreeyi 10:24 awitunyingisha bwatudya ‘kwikwasheena ku muntu na muntu, bwa kwinyingisheena mu kifulo na mu mifubo ibuuwa.’ Twi balombeene kunyingisha bakwetu ku bileshesho by’atwibalekyela na mu kuleesha kwetu kwa lukumiino. Eabisheene namu na bangi beena kakongye myanda yoobe ibuwa yoodi mufumankane nayo. Ebaleeshe bi muloo okwete kupusha nsaa yokwete kufubila Yehowa. Mu yaaya nsaa, leka kwibapwandjikisha mu mushindo wi bubi na bangi bantu sunga kudila kwipikeena nabo. (Gal. 6:4) Kimba bya kufubisha bukome boobe bwa kutakula bangi mu “kifulo na mu mifubo ibuuwa,” kushii kwitopeka na mu mifubo i buwa. (Tala mukanda wa École du ministère, esk. 158, par. 4.) Su atwinyingisheena ku kifulo, byabya midimo—bu kukitshina bangi bibuwa ku mbidi sunga kulungula mukandu wibuwa—​ayilondo kumongo.​—2 Kod. 1:24.