Mushindo wa kufuba na katempo ka kuleesha mikanda

Kulambukisha na katempo sunga mesa akukwasha bwa kukaka bantu basha mashimba alulame ku bya binyibinyi. (Yo. 6:44) Nyi bwakinyi, bakulu mbatekibwe bwabadya kulumbuula bulungudi bwa mu ma mbalo e bantu be bungi a mu teritware a kakongye kaabo abakwete kukiila kwi bantu bebungi. Bu byabidi shi katempo ta nka kushimika mbalo imune, ta kwi nka lukalo lwa kuteka matalwa kwi bakata. Mbananyi balombeene kukita bulungudi bwa kino kipaso? Balungudi be na mweneno ebuwa, bafwale kalolo, na abauku bya kubanga mwisambo na muntu kalolo. Ino ayilondo nyi myanda ya kukita na ishii ya kukita ilombeene kukwasha balungudi bwabadya koobesha kalolo mudimo wabo.

Bya kukita:

Ikala mu kipwano na bantu, ebakuukila, na okwashe ba nkila-mashinda. Bangi balungudi abekalaa na kibobo, musangeelo na abaseme bantu na kalolo kooso. Su muntu kwete kutala ku mesa sunga ku katempo, we kumungula shi: “Su kwi mukanda ubakusankisha we mulombeene kwata.”
Etole kapindji na katempo sunga mesa. Mu angi ma mbalo balungudi aboobesha mudimo wabo nsaa y’abetolo ntaba ipeela na katempo sunga mesa a mikanda. Bangi mbamone shi ano mayele aakalakasha ba nkila-mashinda bwabadya kwimana, ndjo abayimana kwi bula na abatengyela nsaa ayifubwila muntu pa katempo. Su muntu befubwila peepi nako, abatompo kubanga naye mwisambo, pangi bu kumwipusha shi: “Tobonangusheneene namu pabitale luno lukonko su?”
Fubisha Bible su kwi mushindo.
Muleeshe by’atulongaa Bible na muntu ooso bakumiina kwata umune wa ku mikanda yeetu ya kulonga, bu mukanda wa Akilongyesha Bible. Muleshe video a Bwakinyi abitungu kulonga Bible? mu kamo koobe ka ku maasa.
Su kwi mushindo, ata eshina na mbalo ishaale yawa muntu baleesha lukalo. Su muntu baleesha lukalo te mu teritware eenu, uusha bukidibukidi kasaki ka Veuillez suivre l’intérêt (S-43-F) wekape sekretere a mu kakongye keenu kushii kunyengakana.