Kulongyesha na broshire a Mukandu wibuwa
1. Broshire a Mukandu wibuwa mbamutuushe bwa kumulonga naminyi?
1 Anka bu by’atwikalanga balongye mu Mudimo wetu wa Bufumu wa mweshi wa Musambo, kimune kya ku biina mudimo ki na muulo kya mu kasheeto keetu ka biina mudimo bya kulongyesha nabyo nyi broshire a Mukandu wibuwa w’Efile Mukulu! Ma verse e mwanka ta mbele mayi awo nya, byabya abikwasha bwashi muntu eabadikye mususa umune mu Bible. Sunga mbyabidi shi ingi mikanda yeetu y’atulongaa nayo Bible na bantu ngifundjibwe mu mushindo wa’shi muntu elongyela aye nabeene, uno broshire mbamutuushe bwa kumutaluula na mulongyeshi. Byabya, nsaa y’atumupa muntu, abitungu tumuleeshe bya kulonga Bible bwa’shi muntu amone muulo wi nao kulonga mukandu wibuwa wa mu Bible.—Mat. 13:44.
2. Mushindo kinyi watudi balombeene kufuba na broshire a Mukandu wibuwa pa tufumankana na muntu mususa wa kumpala?
2 Kwisamba na muntu bwa musango wa kumpala: We kwamba shi: “Tukwete kutembela bantu mwanda bakwete kwiyipusha pabitale akwende uno ndumbulwilo. Opwandjikisha shi myanda ayikalumbuluka su? [Mutadiile aluule.] Mu Bible mwi mukandu wibuwa ulombeene kwitupa lukulupilo. Ino nyi ngimune ya ku nkonko yabakwete kwaluula kwi Bible.” Mupe broshire, omutekye bwa kusangula lukonko lumune ku nkonko i kunyima kwa broshire. Ofube na kikoso kya kumpala kya dyadya dilongyesha bwa kumuleesha bya kulonga Bible. Ungi mushindo wibuwa nyi nkwela muntu lukonko alumwibwesha lukalo, lwimene pa lukonko lubosangula, akupu omuleeshe bilombeene kumukwasha yawa broshire bwa kupeta lwaluulo lwa mu Bible. Su dino dilongyesha ndjipusheene na video umune a mu jw.org, bangi balungi abaleshaa yawa video nsaa y’abesamba na muntu.
3. Leesha mushindo wa kulonga na muntu broshire a Mukandu wibuwa.
3 Bya kulonga na muntu: (1) Badika ka lukonko ke mu maleta afita ke kunundu kwa kikoso bwa kukwasha muntu bwa’shi atuule binangu ku mwanda wi na muulo. (2) Badika kikoso ki muushi mwa ka lukonko. (3) Badika maverse abadi bafunde na maleta alale, wele muntu nkonko na bukalanga bwa kumukwasha bwa’shi amone mushindo awaluula bifundwe ku ka lukonko. (4) Su kwi kingi kikoso muushi mwa ka lukonko, kita nka byabya bibatukatuka mu kuleesha mu 2 na 3. Su kwi video mwipusheene na lukonko na twe mumuleeshe anka, muleeshe ingi nsaa y’anukwete kwisamba. (5) Ku nfudiilo, ipusha muntu bwa’shi aluule ku kaaka ka lukonko ke kunundu kwa kikoso bwa kushinkamisha su bapusha kalolo.
4. Nkinyi akiketukwasha bwa kufuba na kino kina mudimo na ngobesha yooso?
4 Eubidisheene na kino kiina mudimo. Fuba nakyo nsaa yooso ayimweka mushindo. Kumpala kwa kulonga kooso, nangusheena pabitale mulongi na mushindo wibuwa oodi mulombeene kunangusheena naye, fubisha ma verse e mu dilongyesha. (Mye. 15:28; Bik. 17:2, 3) Bu byokwete kwenda na kupeta mayele na ngobesha, we mulombeene kumona uno broshire bu kimune kya ku bina mudimo byoobe bibuwa kufuba nabyo mu kulongyesha bantu bya binyibinyi!