Abitungu kwilumbuula bwa kulongyesha kalolo

Abaadi bepushe Yesu lukonko lumune pabitale muwa wa looso misango ibidi, kadi musango ooso baadi aluula nka muyiile lukalo lwa yawa mwelanga lukonko. (Luk. 10:25-28; 18:18-20) Byabya, sunga mbyatudi baukye mukanda watulongo nao Bible na bantu kalolo, abitungu twilumbuule kumpala kwa nsaa na kutuula nshalelo a mulongi a Bible mu binangu. Myanda kinyi ilombeene kumwelela bukopo bwa kupusha sunga kwiyikumiina? Verse kinyi a ku ano abadi baleeshe atungu kubadika naye? Mbikoso bungi kinyi abitungu shi tulongye? Twi balombeene kulumbuula ka kileshesho, ka mwanda ka kumupatulwila sunga nkonko ilombeene kumukwasha bwa kulamiina myanda ibatulongo. Na dingi, bu byabidi shi Yehowa ndjo kwete kukusha mbyo ya bya binyibinyi mwishimba dya muntu, abitungu tumutekye bwa kwela myabi ku kwilumbuula kwetu, kwi mulongi eetu a Bible, na ku kwitatshisha kwetu bwa kumukwasha.​—1 Kod. 3:6; Ja. 1:5.