Fuba kalolo na myanda i mu mukanda wa Akilongyesha Bible

Bu byabidi shi mulongi a Bible kwete kulonga akilongyesha Bible binyibinyi na atumikila byabya by’alongo, akulu na kupa bikuba mu kikudi. (Mis. 1:1-3) Twi bya kukwasha mulongi eetu bwashi eende kumpala nsaa y’afubu kalolo na ingi myanda ayikwasha i mu mukanda wa Akilongyesha Bible.

Nkonko ya ku mbagilo: Shapitre ooso mubangye na nkonko yabadi baluule mu yawa shapitre. We mulombeene kwela nkonko nka penda bwa kupa mulongi a Bible lukalo lwa kutaluula myanda i kumpala. Sunga shi we mulombeene kumuteka bwadya kwaluula mu kikoso pabitale lukonko looso. Su baluula bi bubi, tokumanga kudila kulumbuula lwaluulo lwaye. Byabya by’akula abikukwasha bwa kunangusheena myanda ayitungu shi opatuule kalolo na kushimika kasele.​—Mye. 16:23; 18:13.

Apandise: Su mulongi bapusha na bakumiina myanda i mu mwisambo, we mulombeene penda kumuteka bwadya kutaluula aye nabeene apandise mwipusheene na wawa mwisambo. Mu kulonga akulondo, we kwata minite ipeela bwa kushinkamisha su mmupushe kalolo. Byabya, su mbilombeene kumukwasha, we kwata nsaa panukwete kulonga bwanudya kutaluula myanda i mu apandise sunga kubadika bikoso na kumwela nkonko y’wekalanga mulumbuule kumpala.

Kashibo bwa kwambuula: Kashibo bwa kwambuula ke ku nfudiilo kwa shapitre ooso ke na myaluulo ya nkonko ya ku mbangilo. We mulombeene kufuba na ino myanda i mwanka bwa kushinkamisha shi mulongi oobe bapusha kalolo na mulombeene kupatuula myanda i na muulo. Badikayi yaaya myaluulo pamune n’eyi adipushika mpa na ma verse aalondo. Akupu otekye mulongi oobe a Bible bwadya kufubisha bifundwe bwa kupatuula bwakinyi yaaya myanda ngya binyibinyi.​—Bik. 17:2, 3.