Tukukileyi benyi beetu

Mwifuku dya 23 dya mweshi wa Kasatu atukatambula benyi beetu bakwikala midiyo 12 sunga kukila paapa, abafiki bwa kutwela mu kitentekyesho. Abakapete bu kamonyi bukata nsaa yabakapatuula kwi sha mwisambo kya buntu kya nkuulo kyabadi betupe kwi Yehowa na myabi yabakapete ku bukwashi bwa yaaya nkuulo. (Yesh 11:6-9; 35:5, 6; 65:21-23; Yo 3:16) Kadi, ta nkapenda sha mwisambo akatuusha bu kamonyi mu kino kipungo ki pabwakyo nya. Atwe booso twikutuusha bu kamonyi pa kukukila benyi beetu na muloo ooso. (Lom 15:7) Talayi byanudi balombeene kwibikita.

• Pamutwe pa kwenda mu kushaala pa mbalo yoobe na kutengyela shi programe abangye, kukila benyi na baaba bashabafikaa dingi mu bisangilo na muloo

• Nsaa yopasukila bantu boodi mwitamine, uuka shi bangi benyi banudi nabo namu mbebetamine. Ebalungule bwashi bashaale nobe pamune, bwa kubadika nabo Bible na kuyimba nabo mu mukanda oobe wa ngono

• Kunyima kwa mwisambo, ikala mwilumbuule bwa kwaluula nkonko. Su nsaa ngipeela mwanda wa kulekyela kangi kakongye mbalo, epusheneyi na muntu bwa kwenda mu kumutala mu mafuku apeela. Su twe na adrese yaye, we mulombeene ku mwipusha shi: “Bomono uno programe naminyi? Ne kupeta adrese yoobe bwandya nkakutala su?”