Yoobo baadi mushale mululame kumpala kwa bitompwanga

Yoobo baadi mushale mu Use mafuki abaadi beena Isaleele mu bupika mu Ejipitu. Sunga shi tabaadi mwina Isaleele, baadi alangwila Yehowa na lulamato. Baadi mpeta mukata, e na kifuko kikata mpa na e na bukitshishi bwibuwa kwi bantu abaadi bamwifunyishe. Abaadi abamwata na muulo mwanda wa bibaadi apesheena malango na kutshiba bimu kushii ntondo. Baadi akwasha balanda na kupwa nkalo yabo. Baadi muntu mululame.

Yoobo balesheshe shi Yehowa ndjo muntu baadi na muulo ukata mu muwa waye

1:8-11, 22; 2:2-5

• Satana baadi mumone bi kululama kwa Yoobo. Ta baadi mweleshe mpaka bwa bibaadi Yoobo akokyela Yehowa, kadi baadi eleesha mpaka bwa kibaadi akitakula Yoobo bwa kufubila Yehowa

• Satana bakwile shi Yoobo baadi afubila Yehowa, pa mwanda wa bintu bibaadi mmupe

• Bwa kwaluula ku madimi a Satana, Yehowa baadi mumutume bwadya kutompa lukumiino lwa Yoobo, nyi Satana nkulwisha nshalelo a Yoobo mu bipaso byooso

• Nsaa ibaadi Yoobo mulame kululama kwaye, Satana baadi mweleshe mpaka pabitale kululama kwa bafubi ba Yehowa booso

• Yoobo ta baadi mukite mulwisho sunga kutopeka Efile Mukulu mu mwanda su ngumune