Myanda yoshokukita nsaa yolongo Bible na muntu

Kwakula bintu bikile bungi: Leka kwakula bintu bikile bungi. Yesu baadi afubisha nkonko ayikwasha bantu bwa kunangushena na kupeta lwaluulo. (Mat 17:24-27) Nkonko ayitweshaa muloo nsaa yanulongo na ayikukwasha bwa kwiuka myanda ibapusha mulongi oobe na yaadi mukumine. (be-F 253 ¶3-4) Nsaa yoele lukonko, ikala na lwishinko na otengyele lwalulo. Su mulongi tamutushe lwaluulo lwibuwa, pamutwe pa kumulesha lwaluulo, mwele tungi tukonko atumukwasha bwa kufumbula lwaluulo lwibuwa. (be-F 238 ¶1-2) Akula mu kipaso akikwasha mulongi bwa kupusha myanda ipya yalongo.—be-F 230 ¶4.

Kwakula myanda ishayipushika: Topatuulanga myanda yooso youku pabitale mutwe wa mwanda wanulongo. (Yo 16:12) Akwila nka penda mwanda wi na muulo. (be-F 226 ¶4-5) Kupatuula tu myanda tooso, sunga twekala na muulo, kwi kushimisha mwanda ukata wabakwila mu kikoso. (be-F 235 ¶3) Su mulongi bapusha mwanda ukata wabakwila mu kikoso, kilayi ku kingi.

Kwakula penda bi mu mukanda: Lukalo lwetu ndwa kukuma mashimba a bantu, ta mpenda kulonga mukanda nya. (Luk 24:32) Fubisha bukome bw’Eyi dy’Efile Mukulu pa kubadika bifundwe bi na muulo bi mu mwisambo wanulongo. (2 Kod 10:4; Eb 4:12; be-F 144 ¶1-3) Fubisha bileshesho bipelepele. (be-F 245 ¶2-4) Shinguula nkalakashi i nayo mulongi na myanda yadi mukumiine, bwa kumona bya kumukwasha. We kumwipusha shi: “Omono naminyi pabitale myanda yokwete kulonga?” “Bino bibetulongyesha kinyi pabitale Yehowa?” “Myabi kinyi yodi mulombeene kupeta su otuminkila dino elango?”—be-F 238 ¶3-5; 259 ¶1.