Fubisha mikanda yetu na binangu

Yesu bakwile shi: “Nubatambwile buntu nupane buntu.” (Mat 10:8) Atukokyelaa buno bukunkushi pa kupela kuudisha bantu Bible sunga ingi mikanda yetu. (2Kod 2:17) Sunga mbyabya, mu mikanda yetu mwi bya binyibinyi abitukila mu Eyi dy’Efile Mukulu. Bwa kutusha mikanda na kwiyifisha mu tukongye twi mu nsenga ishima, abitekaa bukome na makuta ebungi. Nyi bwakinyi abitungu twikale atwata nka penda bungi bwatufubisha.

Fubisha kapatupatu nsaa yopa bantu mikanda, sunga polambukisha mbalo i bantu bebungi. (Mat 7:6) Pamutwe pa kutambika penda bantu abakidi mikanda bisumanga, kita bukopo bwashi wesambe nabo bwa kuuka su be nayo lukalo. We kwalula oolo ku lukonko sunga ndumune lwa ku ino i mu kashibo? Su ta kwi kipaso kya kutundula bi lukalo lwa muntu, we kumupa trakte. Kadi su ateka jurnale sunga ungi mukanda, bibuwa kumupa wanka.​—Nki 3:27, 28.