Kifuko kya ba temwe ba Yehowa akitanyina muntu ku Kidibwa kya mwanana mu Albanie
Mishindo ya kubanga mwisambo
KITENTA KYA MULAMI
Lukonko: Mu kobe kumona, nkya buntu kinyi kikata kyabadi betupe kwi Efile Mukulu?
Kifundwe: Yo 3:16
Bya kupa muntu: Kino Kitenta kya Mulami akilesha bwakinyi Efile Mukulu batumiine Yesu pa nsenga bwashi etufwile na akilesha dingi byatudi balombeene kulesha lutumbu bwa kyakya kya buntu.
BUFUMU BW’EFILE MUKULU NKINYI?
Lukonko: [Muleshe ku mbangilo kwa trakte.] We kwaluula luno lukonko naminyi? Bufumu bw’Efile Mukulu nyi nkintu ki mwishimba dyobe? Ngakwilo a mu kinfwanyi? Sunga shi Guvernema e mwiyilu?
Kifundwe: Nda 2:44; Yesh 9:5
Bya kupa muntu: Uno trakte alesha kilombeene Bufumu bw’Efile Mukulu nkukitshina.
ESAKI DYA LWITAMINO LWA KU KITENTEKYESHO
Bya kupa muntu: Tukwete kwitamina bantu ku kisangilo ki na muulo ukata. [Mupe esaki dya lwitamino.] Mwifuku dya 11/4, midiyo ya bantu mu nsenga ishima abakebungu bwa kutentekyesha lufu lwa Yesu na bwa kutemesha buntu mwisambo wa mu Bible aukapatuula bilombeene kwitukwasha lufu lwaye. Dino esaki dya lwitamino adilesha nsaa na mbalo ayikakitshikila kyakya kisangilo kuno kwetu. Tubashala bakutengyele.
LUMBUULA OOBE MUSHINDO WA KUBANGA MWISAMBO
Fubisha bileshesho bya mishindo ya kubanga mwisambo bi kunundu bwa kulumbuula oobe mushindo wa kubanga mwisambo mu bulungudi.