We bya kunyingisha baaba babofule bashikyabatwelaa mu bisangilo

Mu dya Kabidi 11/4/2017, beena Kidishitu bebungi bashabatwelaa dingi mu bisangilo, a bafiki ku Kitentekyesho. Abaadi bapwe kubanga lwendo lwa mu kikudi, kadi mbalekye pa mwanda wa tubingilo twilekene, bu twabadi baleshe mu broshire a Alukiila kwi Yehowa. (Eb 12:1) Sunga mbyabya, bakinka na muulo ku meeso kwa Yehowa, mwanda mwibaule na maase a mwan’aye. (Bik 20:28; 1Mp 1:18, 19) Twi kwibakwasha bwabadya kwalukila mu kakongye naminyi?

Bakulu abakimbaa baaba bashikyabatwelaa mu bisangilo bwa kwibakwasha, nka abikalaa mulami a mikooko sha kalolo akimbi mukooko ubashimina mu lombe. (Luk 15:4-7) Bino abilesha shi Yehowa etatshishaa bwabo. (Yel 23:3, 4) Kukatusha bakulu, atwe booso twi bya kunyingisha bano bantu. Kwitatshisha kwetu bwa kwibalesha kalolo na kwituula pa mbalo yaabo, akusankisha Yehowa na akwitutwadila myabi. (Nki 19:17; Bik 20:35) Byabya, tentekyesha baaba bodi mulombeene nkanyingisha kushikunyengakana!

LESHA VIDEO AMBA SHI: NYINGISHA BAABA BABOFULE BASHIKYABATWELAA MU BISANGILO, KUNYIMA NUTALUULE INO NKONKO:

• Abbey baadi mwate mpàngo kinyi pabaadi mufumankame na Temwe ashibaadi auku?

• Bwakinyi abitungu shi tulungule bakulu su atukyebe kwenda mu kukwasha muntu shikyatwelaa mu bisangilo?

• Nkinyi kibaadi kikite Abbey kumpala kwa kwenda mu kumona Laura mususa wa kabidi?

• Mbikunyi bibaadi Abbey muleshe mufwaka, lwishinko na kifulo pabaadi na lukalo lwa kunyingisha Laura?

• Kileshesho kya Yesu ki mu Luka 15:8-10 akitulongyesha kinyi?

• Myabi kinyi ibamwekyele mu kwitatshisha kwabaadi bakite bwa kukwasha Laura?