We kwiluumbula naminyi bwa Kitentekyesho?

Kubanga kino kipwa, atukekala atupete nsaa ibungi bwa kwilumbuula bwa Kitentekyesho kya lufu lwa Kidishitu. Su efuku dya Kitentekyesho dyekala munkatshi mwa lubingo, bisangilo bya bwina Kidishitu na mudimo wetu tabikala kwanka nya. Su Kitentekyesho kyekala mu dyamposo sunga mu dya lubingo, mwisambo wa bantu boso na kulonga kwa Kitenta kya Mulami tabikala kwanka nya. Okekala na kya kufubisha ino nsaa ayishala kalolo mu programe obe su? Nka bu mu siekle a kumpala, abitungu kwata mpàngo bwa kino kipungo ki pabwakyo. (Luk 22:7-13; km 15/03 1) Anka, oso a kwatudi abitungu alumbule eshimba dyaye. Twi kwibikita naminyi?

• Nangushena ku muulo wa kutwela mu Kitentekyesho.—1Kod 11:23-26

• Teka na kunangushena pabitale kipwano kyobe na Yehowa.—1Kod 11:27-29; 2Kod 13:5

• Badika na kunangushena mikanda ayisambila Bible pabitale akilesha Kitentekyesho.—Yo 3:16; 15:13

Bangi balungudi ababadikaa na kunangushena programe a kubadika kwa Bible bwa Kitentekyesho e mu broshire a Tutaluleyi Bifundwe efuku dyoso. Bangi abafubishaa tableau e na Bifundwe. Bangi namu abatalulaa miisambo ya Kitenta kya Mulami ayakwila pabitale Kitentekyesho na kifulo kyabadi betuleshe kwi Yehowa na Yesu. Byabikala kyoso kyosangula, etatshishe bwa’shi kikukwashe bwa kunyinsha kwifubwila peepi na Yehowa na Mwan’aye.