“Tungunuka na kwata ino myanda na muulo”

Myanda kinyi? Mukanda wa Beena-Fidipe 4:8 awamba bwa kutaluula myanda ya binyibinyi, ya kineemo, ilulame, iiselele, ilombanyine kufudiibwa na kudingwa, ibuwa na ilombene kukaanyibwa. Byabya, bino t’abilesha shi bena Kidishitu abekala abanangushena nka penda ku myanda ya mu kikudi nya. Anka, kunangushena kwa mwishimba mwetu abitungu kwikale akusangasha Yehowa. T’abitungu kubofusha kitshibilo kya kushala na lulamato kwadi nya.​—Mis 19:14.

Bi kwitwikeela bukopo bwa kusuuka binangu bi bubi. Anka t’abitungu shi tulwe penda na mbidi yetu ikutwe kupwidika nya, abitungu kulwa na Satana, aye mwikale “efile a kino kipungo.” (2Kod 4:4, Kilombeno kipya 2014) Bu byadi mwikale shi kwete kukunkusha myanda yabapalakasha ku bisaashi, ku internet, ku television na ku ma jurnale, yoso i nka na binangu byaye. Su t’atusangula bintu byatukwete kutwesha mu binangu byetu, ngyelelo eetu a binangu e kulwishibwa, na mwikeelo wetu wi kulwila mwenda mafuku.​—Shak 1:14, 15.

TALA VIDEO AKULA SHI: SUUKA KYOSO KILOMBENE KULWISHA LULAMATO LOBE​—KUKISHA KAPAAPI KWI BUBI, AKUPU WALULE KU INO NKONKO AYILONDO:

• 

  Mukwetu mulume badi abandjila kinyi mu telefone aye, na bino bibadi bimufwishile kinyi?

• 

  Beena-Ngalatea 6:7, 8 na Misambo 119:37 ibadi imukwashe naminyi?