Ikala munyingye bu bikwete kwifubwila nfudiilo

BWAKINYI BI NA MUULO: Myanda ya kukaanya ayitompo binobino kunyinga kwetu kw’eshimba na lukulupilo lwetu mwi Yehowa byabishakitshikile dimo. Mpombo ikata ayikabanga na kabutu ka bipwilo bya madimi. (Mat 24:21; Kibaf 17:16, 17) Mu kyakya kipungo kibukopo, abimweka’shi atukalungula mukandu wa kiimu. (Kibaf 16:21) Atukekala mu bulwishi bwa Goge a ku Magoge. (Es 38:10-12, 14-16) Bwa kupaasha mwilo waye, Yehowa akafwisha “ngoshi y’efuku dikata dy’Efile Mukulu sha bukome booso.” (Kibaf 16:14, 16) Bwatudya kwikala n’eshimba dinyingye bwa ino myanda ayifiki, twi na lukalo lwa kushaala binobino na lulamato nsaa ayitompibwa lukumiino lwetu.

BYA KWIBIKITA:

• Kwatshisheena miiya ya Yehowa n’eshimba dinyingye.​—Yesh 5:20

• Tungunuka na kulangwila pamune na beena Kidishitu noobe.​—Eb 10:24, 25

• Kookyela na bukidi booso buludiki abutuusha ndumbulwilo a Yehowa.​—Eb 13:17

• Nangusheena ku bibaadi Yehowa mupaashe bantu baaye mu mafuku a kala.​—2Mp 2:9

• Teka Yehowa na kukulupila mwadi.​—Mis 112:7, 8

TALA VIDEO AMBA’SHI: MYANDA I KUMPALA AYIKATUNGU KUNYING’ESHIMBA​—KAPINDJI, AKUPU WALUULE KU INO NKONKO AYILONDO:

• 

  Ndukalakashi kinyi lwa kukookyela lubaadi lufumankane nalo balungudi pabaabadi baabuule balungudi ba mu kakongye kaabo bwa kwenda mu kangi?

• 

  Nkwipusheena kinyi kwi pankatshi p’eshimba dinyingye na kukookyela?

• 

  Bwakinyi atukekala lukalo n’eshimba dinyingye apakafiki Armagedone?

• 

  Mwisambo kinyi wa mu Bible wi kwitukwasha bwa kunyingisha lukumiino lwetu mu bukome bwa kupaasha bwa Yehowa?​—2Mya 20:1-24