NSHALELO A BWINA KIDISHITU
Dimuka pabitale kupalakasha myanda ya madimi
Lelo uno, myanda ngilombeene kupalakana bukidibukidi kwi midiyo ya bantu mu kwifundisheena, ku bisashi, television na Internete. Booso abalangwila Efile a binyibinyi t’abakumiinaa kupalakasha myanda ya madimi sunga mu kuushi kumiina kwabo nya. (Mis 31:5; Efi 23:1) Myanda ya madimi ilungulwe bangi ngilombeene kutapa ngofu. Nsaa y’okimbi kushinkamisha’shi mwanda kampanda ngw’eyendo eyipushe’shi:
‘Uno mwanda autukila kwi muntu andi mukulupile su?’ Pangi yawa alondo mwanda ekukutwa kuuka bishinkamiisho byao byoso. Mwanda aukatuka kwi muntu umune na awende kwi ungi muntu aushintulukaa. Byabya, dimuka mwanda t’owuku byaudi ubangye kalolo nya. Bu byabidi’shi bantu abaneemekaa myanda yabakula kwi bano be na mashito mu kakongye, abitungu badimukye bwa kupela kulonda myanda yabashi na bishinkamiisho
‘Uno mwanda aulwisha nkumo ya bangi su?’ Su autakula bangi bwa kwikala na mweneno ebubi bwa muntu umune sunga kisaka kya bantu, ta bibuwa kwi wambuula.—Nki 18:8; Fid 4:8
‘Uno mwanda ngwa kukumiina su?’ Dimuka nsaa y’oteemesha mwanda aukaka binangu bya bantu be bungi
TALA VIDEO AMBA’SHI: NE KUKITA NAMINYI BWA KUPELA KWAKULA MYANDA YA BANTU? NA WALUULE KU INO NKONKO AYILONDO:
Muyiile Nkindji 12:18, mbubi kinyi bulombeene kutukila ku bishima byetu?
Beena-Fidipe 2:4 etukwasha bwa kwikala na nkatshinkatshi patwakula pabitale bangi mushindo kinyi?
Abitungu tukite kinyi nsaa i bantu ababanga kwakula bangi myanda i bubi?
Kumpala kwa’shi tubangye kwakula pabitale bangi, nkonko kinyi ayitungu’shi twiyipushe?