We na lukalo lwa kutwela mu kalasa ka balungudi ba Bufumu su?

We na bipwa kubanga pa 23 na ku 65 na we mu mudimo wa nsaa yoso su? We na mbidi bukome, na mushindo wa nkakwasha mbalo i lukalo lukata su? Su we mulombashe ino myanda yoso, tobopwile kwela binangu bwa kuwusha formilere a kutwela mu Kalasa ka balungudi ba Bufumu su? Kasha kano kalasa kabangile, takudi binunu bya bakwetu beyibakishene na bakwetu balume na bakashi bashii bebakile bapwe kwimutwela. Anka, twi na lukalo lwibungi lwa bakwetu balume bashii bebakile bwa kutwela mu kano kalasa. Teka Yehowa bwa’shi akumbashe lukalo lobe lwa kumusankisha na kwambula Mwana aye. (Mis 40:8; Mat 20:28; Eb 10:7) Akupu otaluule byodi mulombene kupeelesha midimo yobe sunga mashito oobe bwa kulombasha myanda itekiibwe.

Mmashito kinyi apete bakwetu bapwe kulonga kano kalasa ka teokrasi? Bangi mbebatume bwabadya kukwasha mu maumbo mwabakula ludimi lwenyi, bangi mbebatume bwabadya kulungula mu bulungudi bwi pabwabo bwa ma mbalo e bantu bebungi. Bangi mbebatume bwabadya kufuba bu bakunkushi ba bifunda bakwashi, bangi bu bakunkushi ba bifunda, na bangi namu bu ba misionere. Nsaa yonangushena bwa kufuba mu mudimo wa Yehowa, tuula binangu ku ano mayi a mutemuki Yeeshaya aamba’shi: “Nnaami uno, ntume!”​—Yesh 6:8.

TALA VIDEO AMBA’SHI: BA MISIONERE​—ABAFUBU MU MUDIMO WA KUWUMBULA, AKUPU WALUULE KU INO NKONKO AYILONDO:

• 

  Abasangulaa ba misionere naminyi?

• 

  Mmudimo kinyi wibuwa aukitaa ba misionere?

• 

  Ngingi myabi kinyi ya mu mudimo wa bu misionere?