NSHALELO A BWINA KIDISHITU
Bikongeno bya ku kipwa—Abitupaa mishindo ya kulesha kifulo
Bwakinyi atusankilaa bikongeno byetu bya ku kipwa ngofu? Nka bu mu Isaleele a kala, bikongeno byetu bya ku kipwa abitupaa mushindo wa kulangwila Yehowa pamune na nkama, ingi misango mpa na binunu bya bakwetu bena Kidishitu. Atusankilaa bino bya kudya bya mu kikudi abitukwashaa bwa kushala peepi na Yehowa. Atusankilaa dingi bwa kukisha nsaa pamune na bakuuku na bifuko byetu. Lutumbu lwetu alwitutakulaa bwa kutwela mu mafuku oso asatu a Kikongeno.
Pakudi mushindo wa kwibunga pamune, t’atunangushenanga penda ku bukwashi bwatudi balombene kupeta, anka tunangushene namu pabitale mushindo watudi balombene kulesha bangi kifulo. (Nga 6:10; Eb 10:24, 25) P’atukwatshila bakwetu kiibi bwa’shi batwele sunga kulama penda mbalo ya kushala yatudi nayo lukalo, atulesha’shi t’atukimbi penda buwa bwetu. (Fid 2:3, 4) Bikongeno abitupaa mishindo ibuwa yatudi balombene kupeta bakuuku bapya. Kumpala sunga kunyima kwa programe na nsaa ya kwikisha, twi kwata kitshibilo kya kwisamba na muntu atushabauku. (2Kod 6:13) Bu kuuku bwatudi balombene kudya na bangi ku byabya bikongeno, mbulombene kushala bwa losoo! Kukatusha byabya, apamono bangi byatwileshena kifulo kya binyibinyi, mbalombene kwibunga netu mu kulangwila Yehowa.—Yo 13:35.
TALA VIDEO AMBA’SHI ‘KIFULO T’AKISHIMINA’! BIKONGENO BIBUNGYE MAUMBO EBUNGI, AKUPU WALUULE KU INO NKONKO AYILONDO:
Mmushindo kinyi ubabadi baleshe benyi bafikye ku bikongeno bibungye maumbo ebungi mu kipwa kya 2019 kifulo?
Bwakinyi buumune na kifulo bi munkatshi mwa mwilo wa Yehowa abikanyisha?
Bena Kasaka ka Bakunkushi-Bakulu bekeele bashimikye kasele pa mishindo kinyi ya kifulo kya bena Kidishitu?
We kukwatshishena ku kifulo akileshaa bakwetu ku bikongeno naminyi?
Mmushindo kinyi ubadi kifulo kibungye bakwetu ba mu Allemagne na ba mu Corée du Sud?
Abitungu twikale na kitshibilo kinyi?