Todi pe kunyi mwishinda aditwala ku lubatshisho?
NSHALELO A BWINA KIDISHITU
Sangula bwa kufubila Yehowa
Su we nsongwa mwina Kidishitu, sunga’shi okwete kulonga Bible, we na kepatshila ka kubatshishibwa su? Bwakinyi abitungu obatshishibwe? Kwilambula na kubatshishibwa, mbangilo a kipwano ki pa bwakyo na Yehowa. (Mis 91:1) Mbilombene kwitutwala ku kipandjilo. (1Mp 3:21) Mmushindo kinyi odi mulombene kwela ano matabula?
Shinkamisha obe nabene’shi we na bya binyibinyi. Nsaa ayikufwila nkonko mu binangu, kimbula bwa kupeta ngaluulo. (Lom 12:2) Tundula myanda ayitungu’shi oshintule mu nshalelo oobe, na wekale mushinkamishe’shi bwebikitshi bwa kusankisha Yehowa. (Nki 27:11; Ef 4:23, 24) Ikala omutekye bukwashi nsaa yooso. Ikala mushinkamishe’shi Yehowa akunyingisha na nkukwatshishena na bukwashi bwa kikudi kyaye kiselele. (1Mp 5:10, 11) Kwitatshisha kobe kwi na muulo ukata. Kufubila Yehowa nyi mushindo wa kwikala na nshalelo mukile buwa!—Mis 16:11.
TALA VIDEO AMBA’SHI ESHINDA ADITWALA KU LUBATSHISHO, AKUPU WALUULE KU INO NKONKO AYILONDO:
Nkalakashi kinyi yabadi bakambile kwi bangi bwabadya kutambula?
Mmushindo kinyi odya kunyingisha lukumino alutungu bodya kwilambula kwi Yehowa?
Nkinyi kibadi kitakule bangi bwa kwela matabula aatungu bwa kubatshishibwa?
Baba abasangula bwa kufubila Yehowa abapetaa myabi kinyi?
Kwilambula na kubatshishibwa akulesha kinyi?