Dinyooka​—Adilesha kifulo kya Yehowa

Dinyooka adikambaa kulesha kuludika na kulongyesha, kadi adilesha dingi kulanga na kusashila. Yehowa etunyookaa bwa’shi tumone bya kumulangwila mu mushindo wakumiina. (Lom 12:1; Eb 12:10, 11) Ingi misango, bikwikala bukopo bwa kukumiina dinyooka, anka nsaa ya twiditumikila, atwikala bantu balulame ku meso kw’Efile Mukulu na kupeta myabi yaye. (Nki 10:7) Nkinyi akitungu’shi baba abatusha dinyooka na abedipete batuule mu binangu?

Atusha dinyooka. Bakulu, baledi, na bangi abetatshisha bwa kutusha dinyooka na kalolo na kifulo anka bu abikitaa Yehowa. (Yel 46:28) Sunga dinyooka dikata abitungu ditushiibwe muyile lukalo na dikunkushibwe na kifulo.​—Tt 1:13.

Apete dinyooka. Sunga dinyooka dyekala dya mushindo kinyi, t’abitungu twidisumbushene nya, kadi abitungu twidifubishe nka musango umune. (Nki 3:11, 12) Bu byatudi bantu bakutwe kupwidika, atwe boso atwikalaa lukalo na dinyooka, na ndilombene kufika mu mishindo ilekene. Twi kunyookibwa ku byatubadika mu Bible sunga ku byatupusha ku bisangilo bya kakongye. Sunga ingi nsaa, bangi be na lukalo lwa dinyooka adikatukila kwi komite a kusambisha. Su atukumiina dinyooka na kwidifubisha atwikala na nshalelo ebuwa bukile, na atukapete muwa wa losoo.​—Nki 10:17.

TALA MYANDA Y’ATUMONO MU VIDEO AMBA’SHI: “YEHOWA ANYÔKÂ YAWA ESE ÂDI MUFULE,” AKUPU WALUULE KU INO NKONKO AYILONDO:

• 

  Nshalelo a Canon baadi mubangye naminyi, na baadi mushitulukye mushindo kinyi?

• 

  Ndinyooka kinyi dya kifulo adikatukila kwi Yehowa dibaadi mupete?

• 

  Mwanda waye awitulongyesha kinyi?