FUBA KALOLO MU BULUNGUDI | TAMISHA MULOO OOBE MU BULUNGUDI
Kukuma eshimba dya muntu
Kukookyela Efile Mukulu akutukilaa mwishimba. (Nki 3:1) Byabya, nsaa y’atulongyesha, abitungu tukite mwetu mooso bwa kukuma mashimba a bantu abetuteemesha. Twi kwibikita naminyi?
Tolongyeshanga mulongi oobe penda bya binyibinyi bya mu Bible nya, mukwashe bwa kumona byabipushena na nshalelo aye na kipwano kyaye na Yehowa. Mukwashe bwa kupusha bi miiya ya mu Bible ayilesha kifuko kya Yehowa, kalolo kaye, na kululama kwaye. Na kalolo koso mwele nkonko ayimukwasha bwa kutalula byapusha pabitale bya kwete kulonga. Mukwashe bwadya kunangushena pabitale bilombene kulongama nshalelo aaye su ashintuula mweneno sunga byubishi byaye bibubi. Nsaa y’omono mulongi oobe a Bible atamisha kifulo kyaye bwa Yehowa, onyisha kupeta muloo.
TALA VIDEO AMBA’SHI PETA MULOO WA KWIKASHA BANTU BU BALONGI—LONGAMISHA MAYELE OOBE—KUKUMA ESHIMBA DYA MUNTU, AKUPU WALUULE KU INO NKONKO AYILONDO:
Bwakinyi Neeta bayipusha Rose’shi: “Okyotentekyesha pabitale byatwisambile mu dimune?”
Neeta bakwasha Rose mushindo kinyi bwa’shi apushe’shi miiya ya mu Bible ayilesha’shi Yehowa mmumufule?
Su atukumu eshimba dya mulongi etu, atumutakula bwadya kutununguka na kwifubwila peepi na Yehowa
Neeta bakwasha Rose mushindo kinyi bwadya kunangushena pabitale mushindo wadya kulesha’shi mmufule Efile Mukulu?