NSHALELO A BUINA KIDISHITU
Yehowa etukuashaa mu nkalakashi yetu
Mu ano mafuku a ku nfudilo, tu kuete atupete nkalakashi ibungi. Ingi nsaa, tui kumona mpa na’shi lukalakashi luetu lui bukopo kunyingila. Anka su tuatungunuka na kuifubuila pepi na Yehowa, aketukuasha bua kunyingila lukalakashi sunga luekala naminyi. (Yesh 43:2, 4) Mushindo kinyi watudi balombene kuifubuila pepi na Yehowa nsaa yatudi mu nkalakashi?
Luteko. Nsaa y’atulungula Yehowa mianda i muishimba dietu, etupa butaale bua mu binangu na bukome bua kunyingila.—Fid 4:6, 7; 1Tes 5:17.
Bisangilo. Lelo uno, tui na lukalo lua bidibua bia mu kikudi na kuibunga na bakuetu betupe Yehowa ku bisangilo. (Eb 10:24, 25) Nsaa yatulumbula bisangilo, kuimutuela na kutusha mialuulo, atupete bukuashi bua kikudi kia Yehowa.—Kibaf 2:29.
Mudimo wa bulungudi. Abitubofuila kutuma binangu bietu ku bintu bibuwa, su atutungunuka na kukita muetu moso bua kulungula mukandu wibuwa. Na dingi, aunyingisha kipuano kietu na Yehowa na bena Nkidishitu netu.—1Kod 3:5-10.
TALA VIDEO AMBA’SHI YEHOWA A KUKUASHA, AKUPU NUALUULE KU INO NKONKO:
Nkinyi kibaadi kikuashe Malu bua kushaala pepi na Yehowa sunga bibaadi mu nkalakashi?
Nka bu Malu, mayi e mu Misambo 34:18, ngalombene kuitunyingisha mu nkalakashi naminyi?
Muanda wa Malu, aulesha naminyi’shi Yehowa etupaa “bukome bushi bua kupuandikisha na kintu” nsaa yatudi mu nkalakashi?—2Kod 4:7