NSHALELO A BUINA NKIDISHITU
Emone obe nabene bu abikumonaa Yehowa
“Yehowa asangalâ na mwilo wê.” (Mis 149:4) Sunga mbiatudi bantu bakutue kupuidika, Yehowa amonaa ngikashi yetu i buwa na mianda i buwa yatukakitshi mu mafuku aafiki. Anka ingi nsaa bi kuituelela bukopo bua kumona ngikashi ibuwa i muatudi. Muanda, biabetukitshina kui bangi, bikuitutakula mu kuipusha bu bashi na muulo. Na su tuemena pa miluisho yetu ya kala, tui kunangushena’shi Yehowa te bia kuitufula. Nkinyi kilombene kuitukuasha nsaa yatuipusha biabia?
Tentekiesha’shi Yehowa amonaa biabia biabashabamonaa kui bantu. (1Sam 16:7) Kuamba’shi amonaa mpa na biabia biatushatuimonaa atue banabene. Muanda wa muloo, Bible etulesha mushindo awitumonaa Yehowa. Tuikuibimona nsaa ya tubadika Bible na miisambo ayilesha bi Yehowa mmufule balanguidi baye.
TALAYI VIDEO AMBA’SHI SHINKAMISHA ESHIMBA DIOBE KUMPALA KUA YEHOWA, AKUPU NUALUULE INO NKONKO:
Kileshesho kia muana asuuku lubilo na nshaye akitulongiesha kinyi pabitale abitumonaa Yehowa?
Su muntu mukite muluisho ukata ekitshisha buadia kulumbuula kipuano kiaye na Yehowa, mbikunyi biadia kushinkamisha eshimba diaye kumpala kuaye?—1Yo 3:19, 20
Kubadika na kunangushena ku muisambo wa Yehoshfate na Davide kubakuasha uno mukuetu naminyi?