NSHALELO A BUINA NKIDISHITU
Ba nambutuile, kuashayi bana benu buabadia kupeta binangu bi’Efile Mukulu
Mushindo umune wibuwa ulombene ba nambutuile kukuasha bana babo buabadia kupeta binangu bi’Efile, nyi nkuibakuasha bua kulondeshanga bisangilo kalolo. Biabamono, biabapusha na p’abatusha ngaluulo mu bisangilo, bi kuibakuasha bua kulonga bi bungi pabitale Yehowa na kufika ba kuuku baye. (Miy 31:12, 13) Su we nambutuile, kinyi kiodia kukita buashi bisangilo bikuashe bana bobe ngofu?
Kita moobe moso buanudia nkatuelanga bisangilo ku nshibo ya Bufumu.—Mis 22:22
Ata nsaa ya kuinyingishena na bakuetu ku Nshibo ya Bufumu kumpala na kunyima kua bisangilo.—Eb 10:25
Ekala mushinkamishe’shi muina kifuko oso e na mukanda awukalongua ku bisangilo, biawikala ku masaki sunga mu kaamo
Kuasha muan’obe buadia kulumbuula lualulo mu bishima biaye’ye nabene.—Mat 21:15, 16
Akula bi buwa pabitale bisangilo na mianda yanuimulongo
Kuasha bana boobe buabadia kuikala abasuula Nshibo ya Bufumu na kuisambanga na bantu banunu mu kakongie
• Kukuasha bana buabadia kuisesela pepi na Yehowa, akutekie mudimo wibungi na akumueka bu akuata nsaa ikile bungi. Anka wekukulupila bukuashi bua Yehowa.—Yesh 40:29.
LESHA VIDEO AMBA’SHI BA NAMBUTUILE, KULUPILAYI MUI YEHOWA NA MU BUKOME BUAYE, AKUPU NUALUULE INO NKONKO:
Kukooka kubaadi na bukitshishi kinyi kui Zack na Leah?
Buakinyi abitungu ba nambutuile batekie bukome kui Yehowa?
Bua koobesha, mishindo kinyi ibaadi Zack na Leah bakulupile mui Yehowa?