Nsenga ikuete kuluishibua:Bible akula kinyi?

“Bantu bakuete kukita mianda ibungi ayikiebe kuiluisha klima ngofu binobino. Bibundi bibungi abikiebe kupuiila mu meema. Kibobo akikiebe kuikala bukopo bukile. Bipapi bibukopo. Mu ma mbalo ebungi amukutshikua meema. Kushimina kua mishindo ilekene ya nyema na mitshi. Ino nta mpuandikishi sunga kukishakisha nya. Bino nyi biabakula kui bena sianse’shi, abikitshika su mbulamatadi ta ngishintuule mishindo ya kufubisha kaalo.”​—Mbebiakule kui António Guterres, sécretaire general de Nations-Unis, pabitale bikuete kukita mbulamatadi bua kushintuluka kua klima mu rapore ya muifuku dia 4 mueshi wa Kananka 2022.

“Bena sianse abadimusha’shi mu bipua bi kumpala, kushintuluka kua klima akukiete kuluisha ma parke 423 a muimbo [mu États-Unis], pa muanda ano ma parke mbalombeene kuialuisha kui kukaamina kua kibobo. Mianda ibubi ikumbeene kukitshika i nka mumune na kafutakanyi katudi balombene kubadika mu Bible: kaalo akashiiki mitamba na mpeshi, kusunguluka kua mabue a kasangu, kuula kua miela na kukaamina kua kibobo.”​—“Kuula kua meema mu mbalo yabetamina bu Yellowstone, nkitunduilo kia masaku akata aafiki,” The New York Times, 15/6/2022.

Kuluila kua bintu bi mu nsenga nkulombeene kupua su? Su kui kupua, nanyi mulombene kuikupudisha? Pusha biabadi baleeshe mu Bible.

Abaadi batemukie kuluila kua bintu bi pa nsenga

Bible amba’shi Efile Mukulu afuisha “kabutu bwa abalwisha nsenga.” (Kibafumbwilwe 11:18) Uno verse a mu Bible etulongiesha mianda isatu:

1. 1. Bikitshino bia bantu abikaluisha nsenga.

2. 2. Kuluishibua kua nsenga akukapu.

3. 3. Efile Mukulu, akapudisha mianda ikuate bintu bi pa nsenga, ta mbana ba bantu nya.

Nsenga yetu ayikala biya mu mafuku e kumpala

Bible alesha’shi “nsenga ayikala panka bua looso.” (Mulungudi 1:4) Bantu abekala nka bashaale pa nsenga.

• “Balulame abapete eumbo, abeemushaala looso.”​—Misambo 37:29.

Nsenga yetu abeyalushula yoso bibayidi.

• “Kabaaka na nsenga yuume biikale na muloo, mapya asangale, amene bilongo.”​—Yeeshaya 35:1.