Pabitale bulanda​—Tala akikakitshi Bufumu bu’Efile Mukulu

Lelo uno, bi bukopo bua’shi bantu bebungi mu nsenga ishima bapete makuta alombane bua kulombasha nkalo yabo ya kuifuku n’efuku, na luno lukalakashi alunyisha kutama.

• Muyile rapore ya mu nsenga ishima yabadi batushe kano kabidi,a “makuta aabapete kui bantu ngapela kukila biabapetanga mu mafuku aashale.” Yaya rapore ayilesha’shi, su mianda ta ngishintulukie, akuikala kuilekena kukata pankatshi pa bampeta na balanda, na “bifuko bibungi t’abikala dingi na nshalelo ebuwa bu biabekalanga naye kumpala nya.”

Mbulamatadi ngilombene kupudisha ino nkalakashi su?

Bible alesha’shi kui mbulamatadi mulombene kupudisha bulanda, mpa na nkalakashi yoso ayitukila kuanka. Akula’shi “Efile a muiyilu eebuesha bufumu,” sunga mbulamatadi bua kukunkusha mianda ya pa nsenga. (Ndanyele 2:44) Mu bukunkushi mua buabua bufumu takui muntu sunga ngumune akalubibua, sunga abakalekiela. (Misambo 9:18) Bufumu bu’Efile Mukulu abukakitshi bia’shi bantu boso babukunkusha bekale na bintu bioso biabadi nabio lukalo bua kuikala na muloo. Muntu oso akekala na muloo bua bipeta bibuwa bia ku midimo yaye.​—Yeshaya 65:21, 22.