Diabulu mmuntu a binyibinyi su?

Lualulo lua mu Bible

Olo, Diabulu e kuanka. Aye nyi “mfumu a pa nsenga,” kipangua kia mu kikudi kibadi kitombokiele Efile Mukulu. (Yowano 14:30; Bena-Efeso 6:11, 12) Bible alesha ngikashi ya Diabulu kukidila ku mashina aaye na mushindo wadi:

• Satana, apatuula “Muishikuanyi.”​—Yoobo 1:6.

• Diabulu, alesha “Mulenduishi.”​—Kibafumbwilwe 12:9.

• Nyoka, abadi batemune mu Bible bua kupatuula “Adimbishenaa.”​—2 Bena-Kodinda 11:3.

• Atompeshenaa.​—Mateo 4:3.

• Sha madimi.​—Yowano 8:44.

Kushi bu eyikashi dia bubi

Bangi bantu abamonaa Satana Diabulu bu eyikashi dia bubi di muatudi. Anka, mu Bible mui muisambo ubadi pankashi pa Efile Mukulu na Satana. Efile Mukulu mmupuidikie, tabaadi mukumbene kuisamba na kipindi kampanda kia bubi nya. (Miiya Ikituulwe 32:4; Yoobo 2:1-6) Bi mumune, Satana batompele Yesu, aye sh’akitaa miluisho. (Mateo 4:8-10; 1 Yowano 3:5) Bible alesha’shi Diabulu e kuanka binyibinyi kushi bu kileshesho kia bubi.

Mbilombene kuitukanyisha pa kumona’shi bantu bebungi t’abakuminaa’shi Diabulu e kuanka binyibinyi su? Nya, Bible amba’shi Satana afubaa na madimi bua kulombasha mpángo yaaye. (2 Bena-Tesalonika 2:9, 10) Madimi aaye amune akata nga kutakula bantu mu kukumina’shi te kuanka nya.​—2 Bena-Kodinda 4:4.

Madimi e kuanka pabitale Diabulu

Madimi: Lusifere nyi dingi eshina dia Diabulu.

Bia binyibinyi: Muaku wa mu kina Ebelu wabadi baluule mu angi ma Bible bu “Lusifere” aupatuula “akipenyapenya.” (Yeeshaya 14:12) Mianda y’abesambila mu uno muaku ngitale mulongo wa ba mfumu, ba mu Babilone, b’abakayisha milongo kui Efile Mukulu muanda wa kuitatula kuabo. (Yeeshaya 14:4, 13-20) Muaku “akipenyapenya” abaadi beutemune bua kusenga mulongo wa baba ba mfumu babaabadi basumbule.

Madimi: Satana afubila Efile Mukulu bu “muntu e kuanka bua kulombasha mpángo yaaye.”

Bia binyibinyi: Diabulu nyi muishikuanyi a Efile Mukulu, ta mmufubi aaye nya. Satana Diabulu mmushikue na adimbilaa bantu abafubila Efile Mukulu.​—1 Mpyeele 5:8; Kibafumbwilwe 12:10.