Bwakinyi ba Temwe ba Yehowa tabendaa mu mgoshi?
Ba Temwe ba Yehowa tabendaa mu ngoshi bwa ino myanda ayilondo:
Bwa kukookyela Efile Mukulu. Bible amba shi bafubi b’Efile Mukulu “abasooso myeele yaabo ya ngoshi bwa kupwa nkasu” na “tabayiyi dimo bya kulwa ngoshi.”—Yeeshaya 2:4
Bwa kukookyela Yesu. Yesu balungwile Mpyeele mutumibwa shi: “Alusha kimpulu kyoobe pa mbalo yaakyo, mwanda booso abatombola kimpulu abashimina ku kimpulu.” (Mateo 26:52) Byabya Yesu balesheshe shi balondji baaye ta mbalombeene kwibwesha mputu ya ngoshi nya.
Balondji ba Yesu abakookyelaa mwiya waye awamba shi “abo tambena nsenga” p’abo kupela n’eshimba dyabo dyooso kutwela mu myanda ya politike. (Yowano 17:16 Kilombeeno kipya 2009) Abo t’abatombokyelaa basalayi sunga kwibunga pamune na baaba abakumiina kutwela mu mudimo wa busalayi nya.
Bwa kifulo na bangi. Yesu beleele balongi baye mwiya shi: “efuleeneeyi kifulo.” (Yowano 13:34, 35) Byabya, baabadi na kya kukita kifuko kya baana ba muntu mu nsenga ishima mwamwa muntu su ngumune ta mulombeene kulwa ngoshi na mukwabo mulume sunga mukwabo mukashi nya.—1 Yowano 3:10-12.
Bwa kulonda kileshesho kya beena Kidishitu ba kala. Ungi mukanda (Encyclopedia of Religion and War) aulesha shi: “Balondji ba Yesu ba kala abapelele kulwa ngoshi na kukita mudimo wa busalayi,” abaadi abashinguula shi yaaya myanda “ngikutwene na kifulo kibaadi nakyo Yesu na mwiya wa kufula mwishikwanyi nobe.” Bimumune na bibakwile ungi mwina teoloji a mu Allemagne abetanyina bu Peter Meinhold pabitale balongi ba Yesu ba kala shi: “kwikala mwina Kidishitu na kwikala musalayi myanda ishibaadi ilombeene kwipusheena.”
Mushindo watukwashaa bantu
Ba Temwe ba Yehowa mbantu abashalaa kalolo na benabo mwiumbo na t’abatwalaa nkalakasho mwiumbo dyabadi bashaale nya. Atunemekaa bakata ba mbulamatadi, muyiile ino miiya ya mu Bible:
“Muntu ooso akokyele banfumu bee na matalwa.”—Beena-Looma 13:1
“Paayi Keezare bya Keezare, by’Efile Mukulu nwibip’Efile mukulu.”—Mateo 22:21
Byabya, atukokyelaa miiya, atuulaa bitadi, na atukokyelaa byooso abikitshi mbulamatadi bwashi bantu bekale bibuwa.