Ba Temwe ba Yehowa abatushaa ky’ekumi su?

Nyaa, ba Temwe ba Yehowa tabatushaa ky’ekumi; mudimo wetu autambukaa na byabuntu byabetushila kwi bantu. Ky’ekumi nkinyi, na bwakinyi ba Temwe ba Yehowa tabatushaa kyanka?

Mwiya wa kutuusha ky’ekumi, sunga kulambula by’ekumi bya ku bintu byoobe, ubaadi mu Miiya ibaabapeele mwilo wa Isaleele a kala. Byabya, Bible alesha patooka shi uno Mwiya​—ubaadi na “matalwa . . . a kwata ky’ekumi”—​taubaadi utale beena Kidishitu nya.​—Beena-Ebreeyi 7:5, 18; Beena-Kolose 2:13, 14.

Pamutwe pa kutuusha by’ekumi, ba Temwe ba Yehowa abalondaa kileshesho kya beena Kidishitu ba kumpala na kukwasha mudimo waabo mu mishindo ibidi: mu kulungulanga na kulambukisha mukandu wibuwa kushii kufutshiibwa na kukumiina kutusha bya buntu.

Byabya, atulondaa elango adituusha Bible kwi beena Kidishitu dya shi: “Ooso muntu atuushe muyiile kitshibilo kya mwishimba dyaaye, kushii kinyongwa sunga ku bukopo mwanda Efile Mukulu mufule apanaa na muloo.”​—2 Beena-Kodinto 9:7.