Ba Temwe ba Yehowa abapetaa makuta a kufubisha midimo yabo kwikunyi?

Makuta a kutambusha mudimo wetu mu nsenga ishima aafikaa kumpala ku bya buntu byabatushaa kwi ba Temwe ba Yehowa.a Mu ma mbalo eetu a bisangilo abemutulaa tushete twa kwela bya buntu, ingi mishindo ya kutusha bya buntu mbeyileshe mwisaki dya Bya buntu. Mbaleshe mishindo ilekene bwa kutusha bya buntu bwa’shi muntu asangule su akyebe kutusha bwa mudimo wa mu nsenga ishima, bwa kulombasha nkalo ya kakongye, sunga bwa byoso.

T’abatekaa ba Temwe ba Yehowa bwabadya kutusha kyekumi, sunga kutusha bungi bwa makuta kampanda muyile makuta aabo abapete nya. (2 Beena-Kodinda 9:7) Mu bisangilo byetu, t’atukongolaa milambu sunga kukisha kasele ka milambu. Dingi t’atutekaa makuta bwa muntu akyebe kutambula, bwa myanda itale kushiika muntu, bwa mabaka sunga bwa ingi midimo ya mu lulangwilo lwetu. T’atukimbaa kufwimisha makuta bu mu kuudisha tu ma gato, kushintula bintu ku makuta, kulumbula maasha sunga misangeelo bwa kupeta makuta, kukita kinkudimba sunga ingi myanda i mumune, t’atutekaa bya buntu. Myanda itale bibatusha muntu t’atwiyilungulaa muntu sunga kwiyiwukisha kwi bantu booso nya. (Mateo 6:2-4) Site etu a Internete na mikanda yetu tamwikalaa myanda ya ma piblisite a bintu nya.

Kakongye koso ka ba Temwe ba Yehowa akatushaa rapore a makuta abadi bapete mu bisangilo byabo abitwelaa muntu oso akumina. Mikanda yabafundaa aa makuta abeyitalulaa ku mweshi ooso bwa kushinkamisha’shi bakwete kwiafubisha kalolo.​—2 Beena-Kodinda 8:20, 21.

Mishindo ya kutusha bya buntu

• Tushete twa bya buntu: We kwela bya buntu byobe bya makuta sunga cheque mu tushete twa kutusha bya buntu twi mu Mashibo a Bufumu, mu Mashibo a bikongeno sunga mu Angi ma mbalo aakitshikaa bisangilo byetu.

• Bya buntu bya ku Internete: Mu maumbo ebungi, we kutwela mwisaki difunde’shi: “Ntushe kya buntu bwa ba Temwe ba Yehowa” bwa kutusha bya buntu byobe ku bukwashi bwa Karte ka ku banke, kutuma ku banke, sunga ingi mishindo ya kutushila ku Internete.b Bangi ba Temwe abataa mpango bwabadya ‘kutuula ku lupese’ ku mweshi ooso kantu bwa kutusha pa kyubishi byabuntu byabo ku bukwashi bwa ino mishindo.​—1 Beena-Kodinda 16:2.

  

• Bya buntu bipwe kulumbuulwa: Bwa ingi mishindo ya kutusha bya buntu, abitungaa kulumbuula kumpala sunga kulonda malango a bantu abauku miiya kalolo. Kulumbula myanda kumpala mu uno mushindo kwi kukwasha bwabadya kukuyishila muulo wa bitadi mwiumbo dyenu. Kwi bantu bebungi bapete malango ebuwa pabitale byabadi balombene kutusha bya buntu bipwe kulumbuulwa pabadi na muwa sunga kunyima kw’abo kufwa. Atukutekye bwa kwisamba na bena biro bya filiale a ba Temwe ba Yehowa ba mwiumbo dyenu bwa kuuka myanda ibungi pabitale:

  • konte a ku banke

  • makuta a assurance sunga a pasio

  • matalwa a kwata makuta

  • kutusha nshibo sunga lupango

  • testama

Bwa kuuka myanda ibungi pabitale mishindo ya kutusha bya buntu i mbalo yodi, tala mwisaki dinfunde’shi: “Ntushe kya buntu bwa ba Temwe ba Yehowa.”