“Yehowa nyi mulami ande”

1. Yehowa mmulami ande;

Bwakinyi ne kutshiina?

Mulami’a mikooko ebuwa

Takwilwa su ngumune.

Antuulu ku meem’ataale,

Aye ankankamika.

Andesh’eshinda dilulame.

Mwanda w’eshina dyaaye.

Andesh’eshinda dilulame

Mwanda w’eshina dyaaye.

2. Su mbupenka mu mufito,

Natambuka nta ntshinyi.

Mwanda mulami’ande e nami;

Anfikinya mwimu wê.

Ankingiila n’elanga dyê;

Kipulu kyande mmuushe.

Kifulo kyê kii naami looso.

Nashaala mu nshibo yê.

Kifulo kyê kii naami looso.

Nashaala mu nshibo yê.

3. Yehowa mmulami’ebuwa!

Namwimbila na muloo.

Na nkumo ya bulami bwaaye

Neyilungula bantu.

Nalamata Kwiyi dyaaye,

Nayiila mwishinda dyê.

Kumufubil’efuku dyooso,

Bi muloo na kineemo.

Kumufubil’efuku dyooso,

Bi muloo na kineemo.