Buakinyi bantu bakuete kufua?

Lualulo lua mu Bible

Mbilombane bua kuiyipusha buakinyi bantu bakuete kufua; bikishekishe nsaa ayifu muntu atudi bafule. Bible amba’shi: “Munungi wa lufu mmilwisho.”​—1 Bena-Kodinda 15:56.

Buakinyi bantu boso bakuete kukita miluisho na kufua?

Adama na Eeva, bantu baku mpala abafuile muanda, abadi baluishishe Efile Mukulu. (Kibangilo 3:17-19) Lufu nyi mpenda kipeta kibaabadi bakumebe kupeeta kunyima kua kutombokiela Efile Mukulu muanda aye, nyi “nsulo ya muwa.”​—Misambo 36:9; Kibangilo 2:17.

Adame badi muambukishe bipeta bia muluisho waye kui bana banye. Bible amba’shi: “Bu bibatwelele milwisho pano p ansenga kwi muntu umune, naa bibaapeteele bantu lufu ku milwisho, bi bibaabeekeele balwishe booso.” (Bena-Looma 5:12) Bantu boso bakuete kufua muanda boso abakitaa miluisho.​—Bena-Looma 3:23.

Mushindo wabakakatusha lufu

Efile Mukulu mmulee nsaa ‘y’ashimisha lufu bua loso.’ (Yeeshaya 25:8) Bua kukatusha lufu, abitungu akatushe kinyi akilufuisha, muluisho. Efile Mukulu akakitshi bino ku bukuashi bua Yesu Kidishitu “akatusha miluisho pa nsenga.”​—Yowano 1:29; 1 Yowano 1:7.