Bible Akula Kinyi?

Efile Mukulu aluulaa nteko yooso su?

WE KWAMBA’SHI ALUULAA NTEKO YA . . .

• Muntu ooso

• Bangi bantu

• Talulaa nya

AKYAKULA BIBLE

“Yehowa e pepi na booso . . . abamwididi mu binyibinyi.”​—Misambo 145:18.

NKINYI DINGI AKITULONGYESHA BIBLE?

• Efile Mukulu tateemeshaa nteko ya bantu abamutombokyela nya. (Yeeshaya 1:15) Anka, mbalombeene “kulumbuula myanda” naye p’abo kushintuula mwikeelo wabo.​—Yeeshaya 1:18, NWT.

• Bwa’shi Efile Mukulu aluule ku luteko, abitungu lwikale lwipusheene na myanda yatupete mu Bible.​—1 Yowano 5:14.

Abitungu kwimana mu mushindo kampada bwa kwela luteko su?

BANGI BANTU ABAKULA’SHI nsaa yabatekye abitungu nka bakuname, bayinyikye mutwe paashi, sunga kubunga maboko. Obe namu omono naminyi?

AKYAKULA BIBLE

Efile Mukulu baadi mukumine nteko ya bantu abaadi ‘bashaale’ na ‘bebwee’ bwimane, bantu abaadi balaale “paashi” na abaadi ‘bakuname.’ (1 Myanda 17:16; 2 Myanda 30:27; Esela 10:1; Bikitshino 9:40) Tamwitukamikye’shi abitungu nka mbidi yeetu ikale mu mushindo kampanda nsaa yatumutekye nya.

NKINYI DINGI AKITULONGYESHA BIBLE?

• Efile Mukulu ateemeshaa nteko ya bantu beyishe.​—Misambo 138:6.

• We kumuteka mu ludimi looso lookumina sunga mwishimba dyoobe.​—2 Myanda 6:32, 33; Neemiya 2:1-6.