Mukanda w’Efile Mukulu—Nnyi mbupeta

1. Twi na mukanda, mmukanda wibuwa,

Aupa bantu lukulupilo.

Mwi binangu biule na bukome;

Mmukanda aupa “bafwe” muwa.

Winyi mukanda wa muulo nyi Bible.

Mbamufunde kwi bantu b’Efile,

Abaadi bafule Efile aabo,

Na baushibwe na kikudi kyê.

2. Mbafunde mwanka myanda ya bipangwa

Kupangwa kwa eyilu na nsenga,

Kwa muntu a kumpala mupwidikye

Na kushimina kwa Mpaladiiso.

Mbakule na bwa ungi mwikeyilu

Baadi mutombokyele Efile.

Buntomboshi nkutanda nyi milwisho,

Binobino Yehow’atshokola.

3. Lelo twi mu mafuku a disanka.

Yesu Nfumu’a Bufumu bw’Efile.

Dino nyi efuku dya kipandjilo

Bwa booso bamufule bafikye.

Mu Bible mwindambukisho ibuwa;

Bidibwa bi selele twibidye.

Abipa bantu butaale mbinangu;

Tubadikyeyi uno mukanda.