‘Tutambukile pa lukumiino, kushi pa kumona kwa meeso’
Mafuku apela kumpala kwa kukwata na kubutula Yeelusaleme, Mpoolo mutumibwa bafundjile shi, bu byabidi shi beena Kidishitu be bu basalayi ba Kidishitu, abitungu bashinguule shi abapete nkalakashi na t’abitungu bepane mu kukimba bintu bya ku mbidi na bya kwisangasha nabyo. (2 Tim. 2:3, 4) Bwa kukambila nkalakashi ya mu uno ndumbulwilo, abitungu twikale na lukumiino lwi bukopo bwa kutuula binangu byetu ku myanda ya mu kikudi. (2 Kod. 4:18; 5:7) Bandjilayi video a ‘Marchons par la foi, non par la vue.’ (Enda mu jw.org, otwele pa PUBLICATIONS > VIDÉOS.) Laminayi mushindo ubaadi kulamata ku bintu bya kumbidi kwikale bu kateo ka lufu kwi Nahame na Abitale. Kunyima, nutaluule ino nkonko ayilondo.
(1) ‘Kintu kibi kii moo . . . kishaale mu mbalo yi selele’ kibaadi mu siekele a kumpala akileesha kinyi, na nkintu kinyi kibaadi akitungu shi beena Kidishitu ba mu Yeelusaleme bakite? (Mat. 24:15, 16) (2) Bwakinyi bibaadi abitungu kwikala na lukumiino bwa kukatuka mu kibundji? (3) Myanda kinyi ibaadi ayitungu bwa kukatuka? (4) Bwakinyi Nahame na Abitale abaadi abanyengakana? (Mat. 24:17, 18) (5) Nkitompwanga kinyi dingi kibaadi Rashele mupete pa kutuuka mu Yeelusaleme? (Mat. 10:34-37; Mak 10:29, 30) (6) Mushindo kinyi ubaadi Etane mulekye kileshesho kya lukumiino na lukulupilo mwi Yehowa? (7) Nkalakashi kinyi ibaadi beena Kidishitu bafumankane nayo mu Pella? (8) Mushindo kinyi ubaadi lukumiino lwa Nahame na Abitale lwende na kubofula ku kapelakapela? (9) Yehowa baadi mupasukile beena Kidishitu babaadi mu Pella naminyi? (Mat. 6:33; 1 Tim. 6:6-8) (10) Mbikunyi byatudi balombeene kwambula Abrahame na saraa bu byatudi ku nfudiilo kwa uno ndumbulwilo? (Eb. 11:8-10) (11) Nkinyi kibaadi Nahame na Abitale bashinkamishe bwa kwalukiila mu Yeelusaleme na bwakinyi abaadi na binangu bibubi? (Luk. 21:21) (12) Nsaa ibalukiile Nahame na Abitale, nshalelo mu Yeelusaleme tabekele naminyi? (13) Bwakinyi abitungu tunyingishe lukumiino lwetu binobino—kumpala kwa’shi nfudiilo ya uno ndumbulwilo ifikye?—Luk. 17:31, 32; 21:34-36. Kutambukila pa lukumiino akuleesha (1) kukulupila mu bukunkushi bwa Yehowa, (2) kukumiina bwashi bukunkushi bwaye buludikye matabula eetu, na (3) kuleesha shi tukwete kwata bintu bya mu kikudi na muulo kukila bintu bya ku mbidi. Twateyi kitshibilo kya kutambukila pa lukumiino, bakulupile shi “bya pano abikidi abyo na malaka aabyo, anka yawa akitshi akikyebe Efile Mukulu akekala na muwa wa looso.”—1 Yo. 2:17.