Programe a lubingo lwa 17/2

LUBINGO LWA 17/2

Loono 15 na luteko

□ Kulonga kwa Bible mu kakongye:

cl chap. 3 ¶1-10 (Min. 30)

□ Kalasa ka mudimo wa teokrasi:

Kubadika kwa Bible: Kibangilo 29-31 (Min. 10)

No. 1: Kibangilo 29:21-35 (Min. 4 sunga muushi)

No. 2: Akipatuula kusanguka kwa ku bafwe pabitale bantu booso—rs-F esk. 324 ¶4–esk. 325 ¶3 (Min. 5)

No. 3: Abyatare (Abiathar)—Kukutwa kwa kululama mu mwanda umune nkulombeene kulwisha mudimo watudi bakite na kululama kooso munda mwa bipwa bibungi—it-1-F esk. 17-18 (Min. 5)

□ Kisangilo kya mudimo:

Loono 92

Min. 10: Ikala na muloo mu mudimo wa bulungudi. Mwisambo autuukila mu mukanda wa École du ministère, esaki 118, na ku esaki 119, paragrafe 5.

Min. 5: Okwete kufuba na site etu a jw.org mu mudimo oobe wa bulungudi su? Mwisambo na bantu. Teka bantu bwashi baleshe myanda ibuwa yabadi bapete pabafubanga na site eetu a jw.org mu mudimo wa bulungudi. Nyingisha bantu bwabadya kulungula bangi pabitale jw.org nsaa yooso pakudi mushindo.

Min. 15: “Ikasha kino kipungo kya Kitentekyesho bu kipungo kya muloo!” Ngwa kukita mu nkonko na myaluulo. Teka baaba bakwete kwilumbuula bwa kukita mufubo wa bu mbala-mashinda mukwashi sunga mbyabidi shi be na nkalakasho ku mbidi sunga shi mbakutwe nsaa mwanda wa mifubo, bwashi baleshe myanda yabakyebe kushintuula bwa kutamisha mufubo wabo. Nsaa yanutaluula paragrafe 3, teka mukunkushi a mudimo wa bulungudi bwa kulesha mpàngo yabadi baate kwi kakongye bwa kisangilo kya mudimo mu mweshi wa Kasatu, wa Kananka, na wa Katano.

Loono 8 na luteko

Ikasha kino kipungo kya Kitentekyesho bu kipungo kya muloo!

1. Mushindo kinyi umune wa kutamisha muloo wetu mu kipungo kya Kitentekyesho?

¹ Okumiina kutamisha muloo oobe mu mweshi wa Kasatu, wa Kananka, na wa Katano su? Mushindo umune wa kukita byabya nyi nkutamisha mudimo oobe wa bulungudi na su kwi mushindo, kwata mudimo wa bu mbala-mashinda mukwashi. Bino abikyebe kutamisha muloo oobe naminyi?

2. Kutamisha kwa mudimo wa bulungudi nkulombeene kutamisha muloo mushindo kinyi?

² Tamisha muloo oobe: Yehowa baadi mwitupangye na mushindo wa kupusha bi muloo autuukila mu kumulangwila na kulombasha lukalo lwetu lwa mu kikudi lwa ku kibangilo. (Mat. 5:3) Mwitusangule dingi mu ungi mushindo watudi balombeene kupeta muloo nsaa yatukwasha bangi. (Bik. 20:35) Mudimo wa bulungudi awitukwasha bwa kukita byooso bibidi—bwa kulangwila Efile Mukulu na bwa kukwasha bangi. Kutamisha mudimo wa bulungudi akutuusha muloo ukile bukata. Na dingi, su atulungula mukandu wibuwa ngofu, atupete namu ngobesha ngofu. Bu bya tupete ngobesha, atushinkamisha myanda yatukwete kwakula na kukasha moo ooso. Atukyebe kupeta mishindo ibungi ya kulungula mukandu wibuwa na ya kubanga kulonga Bible na bantu. Bino byooso abituusha muloo mu mudimo wa bulungudi.

3. Bwakinyi mweshi wa Kasatu na wa Kananka ngikadikye myeshi i pa bwayo bwa ba mbaala-mashinda bakwashi?

³ Mweshi wa Kasatu na wa Kananka ayikyebe kwikala myeshi ibuwa bukile bwa kukita mudimo wa bu mbala-mashinda mukwashi, mwanda twibalombeene kusangula bwa kukita nsaa 30 sunga 50 itekibwe. Na dingi, kubanga mu dya Mpooso 22/3, mpa na mu Dimune 14/4 efuku dya Kitentekyesho, atukyebe kukita kampanye ka kwitanyina bantu bwa kutwela mu Kitentekyesho. Tukongye atukyebe kulambukisha ngofu, bu bi bantu bebungi abakumiina kufuba “na katshintshi kaa mumue” bwa kupudisha teritware munda mwa mafuku abadi bebatshibile.—Sof. 3:9.

4. Su atukumiina kufuba bu ba mbaala-mashinda bakwashi, abitungu shi tukite kinyi?

⁴ Elumbuule kubanga binobino: Su tobandjile kukita bino, ata nsaa yakutaluula programe oobe na kutala tu myanda atutungu kulumbuula bwa kutamisha mudimo oobe wa bulungudi munda mwa mweshi umune sunga ibidi. Teka Yehowa pabitale wawa mwanda. (Ja. 1:5) Esambe na kifuko kyobe pabitale wawa mwanda na bangi bantu ba mu kakongye. (Mye. 15:22) We mulombeene kumona shi sunga wekala na nkalakasho ya ku mbidi sunga programe a ku mudimo muule, we mulombeene kupeta muloo autuukila ku mudimo wa bu mbaala-mashinda mukwashi.

5. Su tubatamisha mufubo wetu wa bulungudi mu kino kipungo kya Kitentekyesho atukyebe kupeta bipeta kinyi?

⁵ Yehowa akumina shi bafubi baaye bekadikye na muloo. (Mis. 32:11) Nsaa yatwipaana bwa kutamisha mudimo wetu wa bulungudi mu kino kipungo kya Kitentekyesho, tatukyebe nka penda kutamisha muloo wetu nya kadi atukyebe kusangasha dingi Nshetu e mwiyilu.—Mye. 23:24; 27:11.