KIPINDJI 8

Lufu lwa Yesu lwi kukukwasha na kinyi?

Yesu bafwile bwashi atwe tupete muwa. Yowano 3:16

Bana bakashi abatala mu mashama a Yesu mwi bisumanga

Mafuku asatu kunyima kwa lufu lwa Yesu, bangi bana bakashi babayile ku mashaama a Yesu abo nkusangana mashama ebisumanga. Yehowa basangwishe Yesu ku lufu.

Yesu bamweneka kwi batumibwa baaye akupu bende mwiyilu

Kunyima Yesu bamwekyele kwi batumiibwa baaye.

Binyibinyi, Yehowa tabasangwishe Yesu na mbidi ya bu muntu nya, bamupeele ingi mbidi ibu ya miikeyilu isha imweneka. Balongi ba Yesu abamumwene akamina mwiyilu.

Efile basangwishe Yesu aye nkumutuula bu Mfumu a Bufumu bw’Efile. Ndanyele 7:13, 14

Yesu e mu nkwasa aaye a Bufumu mwiyilu, amunu bantu mu mpaladiso pa nsenga

Yesu bakuminyine kupaana muwa waye bwa kukuula bantu. (Mateo 20:28) Bu byaadi mwitukuule, Efile mwitupe mushindo wa kupeta muwa wa looso.

Yehowa batudile Yesu bu Mfumu a kukunkusha nsenga ishima. Akekala na bantu 144 000 baasha bululame abasanguka bwa kwikala na muwa mwiyilu. Yesu na bantu 144 000 abakitshi guvelenema a mwiyilu.—Bufumu bw’Efile.—Kibafumbwilwe 14:1-3.

Bufumu bw’Efile abukafikisha nsenga ishima mpaladiiso. Ngoshi, bukitekite, bulanda, na nsala tayikekala dingi nya. Bantu aba kekala na muloo wa binyibinyi.—Misambo 145:16.