Kubanga mu mweshi Kitema, mu Bwina Kidishitu na mudimo wetu amwikala amutuku mwisambo awamba shi “Longyesha bya binyibinyi.” Lukalo lwetu ndwa kulongyesha bantu bya binyibinyi bya kitako bya mu Bible, pa kufubisha lukonko na kifundwe.

Su twamona shi muntu balesha lukalo, twi kumulekyela mukanda sunga kumulesha video a mu jw.org bu kintu akitukwasha bwa kwalukiila mu kumutala. Abitungu twalukiile muntu mu mafuku apela bwa kwakwila pa mwisambo watulekyele. Mishindo ipya ya kubanga mwisambo na midimo ya mulongi ayikemena pa mbalo yabadi bakwile shapitre mu kikoso mu mukanda wa A nkinyi akitulongyesha Bible? Mwamwa atukasangana ingi nkonko na bifundwe abitukwasha bwa kwalukiila bantu sunga kufubisha penda Bible bwa kulonga nabo.

Kwi eshinda penda dimune aditwala ku muwa. (Mat 7:13, 14) Bu byatwakula na bantu ba mu bipwilo bilekenelekene na be na nshalelo mwilekene, abitungu twibalongyeshe bya binyibinyi bya mu Bible, mu kipaso kyabidi bilombeene kwibakuma ku mashimba mupunda nshalelo yaabo. (1Tim 2:4) Nsaa yatutungunuka na kwakwila miisambo ibungi ya mu Bible na kutamisha ngobesha yetu ya ‘kupatuula eyi dya binyibinyi mu kipaso kikumbane,’ muloo wetu autama, na atobesha kulambukisha bya binyibinyi kwi bangi.—2Tim 2:15, EEM.

Mu nsenga ishima bantu be na lukalo lwa kusambibwa. (Mul 4:1) Mu mweshi wa Kitema ooso ushima, atukakitshi mwetu mooso bwa kwabila Kitenta kya Mulami, ki na mwisambo ausamba bantu. Abila bantu booso uno jurnale. Bu byabidi shi twi na lukalo lwa kwimonena na bantu bwashi twisambe nabo bwa kwibanyingisha, tabitungu tulekye jurnale eetu ku nshibo kushi muntu.

BYA KWAKULA

“Atwe booso atwikalaa na lukalo lwa kusambibwa ingi nsaa. Kadi, nkunyi kwatudi balombeene kwikupeta?” [Badika 2 Beena-Kodinda 1:3, 4.] Kino Kitenta kya Mulami akilesha abitushaa Efile Mukulu bwabwa busambi.

Su muntu balesha lukalo na basankila Jurnale, . . .

MULESHE VIDEO A BWAKINYI ABITUNGU KULONGA BIBLE?

Akupu omupe mukanda wa kulonga nao Bible.

MULEKYELE LUKONKO ALUKUKWASHA BWA KWALUKILA MU KUMUTALA

Mwele lukonko lokaluula mususa aufiki, bu kileshesho: “Bwakinyi Efile Mukulu mutadile makyenga?”