DILONGYESHA 18

Kulongyesha bantu myanda ipya

1 Beena-Kodinda 9:19-23

MU KIKOSO: Kwasha bantu bwabadya kunangushena pabitale mwanda wanwisambila, bapushe shi bakwete kulonga mwanda wi na muulo.

Shinguula myanda yabadi bapwe kuuka kwi bantu. Pamutwe pa kwalukuula ku myanda yabadi bapwe kupusha, ebakwashe bapete ungi mwanda upya mu mwisambo.

Akula myanda yabauku lubilolubilo, kadi wakule kapelakapela nsaaywakula myanda ipya.
Kimbuula na onangushene. Pakudi mushindo, akula myanda ipela yabauku sunga myanda ipya i kwanka bwa kulesha mayi akata. Nangushena ngofu ku myanda yokakula na kwipushena kwi pankatshi pa myanda yolongyesha na myanda yokumiina kwakula.

Pokwete kutaluula myanda ya kwisamba, nangushena kalolo na kwiyela ino nkonko ‘kinyi, bwakinyi, nsaa kinyi, kunyi, nnanyi, na bikunyi.’ Longamisha ndongyesho oobe pa kwela na kwalula ino nkonko mu mwisambo oobe.
Lesha muulo wa mwanda wesamba. Lesha bilombene binangu bi mu Bifundwe kukwasha bantu mu nshalelo aabo a kwifuku n’efuku. Akula pabitale myanda kampanda, mwikelo, na bikitshino bitale bantu abakuteemesha.