DILONGYESHA 2

Kwakula bu pa kyubishi

2 Beena-Kodinda 2:17

MU KIKOSO: Akula bywakulaa, na kushinkamisha kooso, akulesha kalolo byopusha pabitale mwisambo na bantu abakuteemesha.

Ela nteko bwa kwilumbuula kalolo. Ela nteko bwa shi otuule binangu byobe ku mukandu oodi nao kushi koodi’be nabeene. Lamiina myanda ikata yokyebe kwisamba. Tuusha bi mu binangu byobe mu mayi oobe’be nabeene; kushi penda kubadika kishima pa kishima bu byabidi mwisaki dya mwisambo.

Su okyebe kubadika mu Bible sunga ungi mukanda, lamiina kifundwe kalolo bwa shi wekibadikye bi buwa. Su mbateemune mayi a bantu, badika bishima byabo nka bu’be ekele panka, kushi kukishakisha.
Akula myanda ayituukila mwishimba. Nangushena bwakinyi bantu abakuteemesha abakumiina kupusha mukandu. Tuula binangu kwabadi. Paapa mushindo oobe wa kwimana, kusanyisha maboko, na abikitshi mpala yoobe abilesha shi wakula n’eshimba dimune mpaa na muloo.

Topwandjikishanga kwakula bu pa kyubishi na kwakula kushi kushimika myanda. Lama kinemo kya mukandu oobe pa kwakula kalolo na kunemeka miiya ya mu ngakwilo.
Tala abakuteemesha. Ikala otala bantu su mbalo yodi t’abikalakasha bantu. Nsaa yokitshi mwisambo, tala muntu umune umune kushi kutala kisaka kya bantu mususa umune.