DILONGIESHA 58
Shala na lulamato kui Yehowa
Bena Kidishitu ba binyibinyi abekalaa na kitshibilo kia kupela kuleka kintu su nkimune sunga muntu bua kuibemika buabadia kulanguila Yehowa. Atushinkamisha’shi nyi kitshibilo kiodi namu nakio. Yehowa ata lulamato lobe na mulo. (Badika 1 Myanda 28:9.) Mmianda kinyi ilombene kutompa lulamato lobe kui Yehowa, na mbikunyi biodia kuiyikambila?
1. Bangi be kutompa lulamato lobe kui Yehowa naminyi?
Bangi bantu be kutompa kuituimika buatudia kupela kulanguila Yehowa. Mbantu kinyi be kukita biabia? Bangi bantu bakatukie mu bia binyibinyi, abakula mianda ya madimi pabitale ndumbuluilo a Yehowa bua kuluisha lukumino luetu. Abebetanyina bu bantu basumbule lukumino. Dingi, bakata ba bipuilo, abapalakasha mianda ya madimi pa bitutale bua kutakula bantu bashi banyingie mu kikudi bua kukatuka mu bia binyibinyi. Bi masaku akata kuisamba na bantu basumbule lukumino, kubadika mikanda yabo, kuenda ku ma site abo a internete sunga kubandila ma video abo. Pabitale baba abakiebe kubofusha bangi buashi tabafubilanga Yehowa na lulamato loso, Yesu bakuile’shi: “Ebalekyeleyi; Nyi mba-mpofu, bakunkushi ba ba-mpofu. Na su mpofu akunkusha mungi mpofu, abakapono boso babidi mu bwina.”—Mateo 15:14, Kilombeno kipya 2014.
2. Bitshibilo bietu bi kulesha naminyi’shi tui na lulamato kui Yehowa?
Kifulo kietu bua Yehowa akitutakula bua kupela kukita kintu kioso kiakia ki mu kuipushina na lulanguilo lua madimi. Biabia, sunga mudimo wetu, sunga mu kisaka kampanda kiatudi, sunga kingi kintu kioso kiatutshi, tabitungu kikale mu kuipushena na bipuilo bia madimi nya. Yehowa etudimusha’shi: “Tuukayi munkatshi mwa [Babilone mukata], mwilo wande.”—Kibafumbwilwe 18:2, 4, Kilombeno kipya 2014.
TUKIMBUULE BOSO
Tutale bioshi mulombene kuleka muntu su ngumune abofusha lulamato lobe kui Yehowa. Tutale dingi biodi mulombene kulesha lulamato lobe pobe kutuka mu Babilone mukata.
3. Dimukila malongiesha a madimi
Tui kukita naminyi su tubapusha abakula mianda ya madimi pabitale ndumbuluilo a Yehowa? Badika Nkindji 14:15, akupu nuisambile luno lukonko alulondo:
Buakinyi abitungu tudimukie bua kupela kukumina bioso biatupusha?
Badika 2 Yowano 9-11, akupu nuisambile ino nkonko ailondo:
Abitungu tumone bantu basumbule lukumino naminyi?
Sunga biekela’shi tatukuete kuisamba na bantu basumbule lukumino, mbikunyi biatudi balombene kufika mu kupusha malongiesha abo?
Omono’shi Yehowa e kupusha naminyi su okuete kutemesha bantu abakula bi bubi pa bimutale na pa bitale ndumbuluilo aye?
4. Shala na lulamato kui Efile Mukulu nsaa aikitshi mukuetu muluisho
Su tuawuka’shi mukuetu kampanda mu kakongye mmukite muluisho ukata, abitungu tukite kinyi? Tala eyi dia kulonda di mu muiya ubadi Efile Mukulu mupe bena Isalele a kala. Badika Bena-Levi 5:1.
Nka bu biabalesha mu yawa verse, su tubauku’shi kui muntu mukite muluisho ukata, abitungu tulungule bakulu mianda yatuku. Anka, kumpala kua kuibikita, bi buwa kulungula yawa muntu mukite muluisho buadia kuenda aye nabene mu nkatonda muluisho waye kui bakulu. Su ta mukumine kukalungula bakulu, lulamato luetu kui Yehowa aluitutakula buatudia kuibalungula wawa muanda. Kukita bino akulesha naminyi’shi tui na kifulo na lulamato kui . . .
Yehowa Efile Mukulu?
yawa muntu mukite muluisho?
na bangi mu kakongye?
Su mukuenu muina Kidishitu bakitshi muanda wi bubi, mukuashe!
5. Tualukanga mu Babilone mukata
Badika Luka 4:8 na Kibafumbwilwe 18:4, 5, akupu walule ku ino nkonko ailondo:
Eshina diande dikii ku mikanda ya bena kipuilo kia madimi su?
Ne mu kisaka kampanda ki mu kuipushena na bipuilo bia madimi su?
Mudimo wande aukuatshishena kipuilo kia madimi mu mushindo kampanda su?
Kui ungi muanda autungu’shi nkite mu nshalelo ande bua kuilamuna ku bipuilo bia madimi?
Su nalula’shi olo sunga ku lumune lua ku ino nkonko, abitungu’shi nkite kinyi bua kushintuluka?
Mu mishindo yoso, ata kitshibilo akikukuasha bua kushala na kondo k’eshimba katoka na akilesha lulamato lobe kui Yehowa.
We kukita naminyi su bakuteka bukuashi bua kukuatshishena midimo ya bipuilo?
BANGI ABAMBA’SHI: “Abitungu nguukie bikuete kuakula bantu basumbule lukumino pabitale ba Temwe ba Yehowa buashi mmone bia kukaluila bia binyibinyi.”
Bino binangu bi buwa su? Buakinyi wamba biabia?
MU KIKOSO
Buatudia kushala na lulumato kui Yehowa, tabitungu tuikale mu kipuano na boso be kuitupambusha.
Kuambuula
Buakinyi tabitungu kuteemesha binangu bia bantu basumbule lukumiino?
Su tuauka’shi mukuetu kampanda bakitshi muluisho ukata, nkinyi kiatudia kukita?
Mbikunyi biatudi balombene kukokiela elango dia kutuka mu bipuilo bia madimi?
TALUULA DINGI
Tala biodia kukita nsaa i bangi abapalakasha mianda ya madimi pabitale ba Temwe ba Yehowa.
Mbikunyi biodia kutundula su ndumbuluilo kampanda, sunga mudimo kampanda aukuatshishena Babilone mukata?
Bangi beshikuanyi abakita kinyi bua kubofusha lukumino luetu?
Badika bibadi ungi Mumpele a bena Shinto muilamune na lulanguilo lua madimi mu muisambo awamba’shi: “Nabangile kukimba Efile Mukulu kubanga ku bukinga.”
“Bible kwete kushintula bantu” (Kitenta kia Mulami, 1/7/2011)